Asianet News TeluguAsianet News Telugu

యంగ్‌ హీరోపై విరుచుకుపడ్డ కంగనా.. రియాకి మద్దతుపై కామెంట్‌!

తాజాగా యంగ్‌ హీరో ఆయుష్మాన్‌ ఖురానా.. కంగనాకి దొరికిపోయాడు. దీంతో ఆరోపణలు, విమర్శలతో రెచ్చిపోయింది. నెపోటిజానికి మద్దతిస్తున్నావని విమర్శించింది. సుశాంత్‌ కేసులో ప్రధానంగా ఆరోపణలు ఎదుర్కొంటున్న ఆయన ప్రియురాలు రియా చక్రవర్తికి సపోర్ట్ చేస్తూ ఆయుష్మాన్‌ ఖురానా పలు వ్యాఖ్యలు చేశారు.

bollywood heroine kangana ranaut fires on ayushman khurana
Author
Hyderabad, First Published Aug 10, 2020, 3:31 PM IST

బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ ఆత్మహత్య కేసులో ప్రధానంగా నెపోటిజం వాదన చర్చనీయాంశంగా మారింది. అందులో ముఖ్యంగా బాలీవుడ్‌ ఫైర్‌ బ్రాండ్‌ కంగనా రనౌత్‌ ఈ చర్చకు శ్రీకారం చుట్టింది. నెపోటిజంపై ఆమె ఛాన్స్ దొరికినప్పుడల్లా విరుచుకుపడుతుంది. చిన్నా, పెద్ద లేకుండా వాయించేస్తుంది. ఆ మధ్య కరణ్‌ జోహార్‌కి మద్దతుగా నిలిచిన తాప్సీ ఓ ఆట ఆడుకుంది. 

తాజాగా యంగ్‌ హీరో ఆయుష్మాన్‌ ఖురానా.. కంగనాకి దొరికిపోయాడు. దీంతో ఆరోపణలు, విమర్శలతో రెచ్చిపోయింది. నెపోటిజానికి మద్దతిస్తున్నావని విమర్శించింది. సుశాంత్‌ కేసులో ప్రధానంగా ఆరోపణలు ఎదుర్కొంటున్న ఆయన ప్రియురాలు రియా చక్రవర్తికి సపోర్ట్ చేస్తూ ఆయుష్మాన్‌ ఖురానా పలు వ్యాఖ్యలు చేశారు. ఆమెపై సానుభూతి చూపించాడు. ఇదే కంగనాకి మండేలా చేసింది. దీంతో తన దైన స్టయిల్‌లో విరుచుకుపడింది. `చప్లాస్‌ ఔట్‌ సైడర్‌` అంటూ ఘాటు వ్యాఖ్యలు చేసింది.

బాలీవుడ్‌లో మనుగడ సాధించాలనే ఉద్దేశ్యంతో ఆయుష్మాన్‌ నెపోటిజానికి, వారసత్వానికి మద్దతు ఇస్తున్నాడని వెల్లడించింది. బాలీవుడ్‌ మాఫియాకి మద్దతు ఇస్తున్నారంటే కచ్చితంగా ఏదో ఒక ప్రయోజనం పొందుతున్నారని అర్థమవుతుందని తెలిపింది. నెపోటిజంపై మాట్లాడుతున్నందుకు తనకు కొందరు మద్దతు ఇస్తున్నారని, మరికొందరు విమర్శిస్తున్నారని, ఈ నేపథ్యంలో విమర్శించే వారి మద్దతు పొందేందుకు ఆయుష్మాన్‌ ట్రై చేస్తున్నారని తెలిపింది. ఈసందర్భంగా కమల్‌ ఆర్‌ ఖాన్‌ ట్వీట్‌ని రీట్వీట్‌ చేసింది. 

అందులో మూడు విషయాలను పేర్కొన్నారు. ఒకటి ఆయుష్మాన్‌ ఖురానా.. బాలీవుడ్‌లో మనుగడ సాధించేందుకు, రెండు అతను యష్‌రాజ్‌ ఫిల్మ్స్ కి చెందిన వ్యక్తి కావడం, మూడు సుశాంత్‌ సింగ్‌ రాజ్‌పుత్‌ తనకు పోటీదారుగా భావించడం అంటూ పేర్కొన్నారు. దీంతో ఇప్పుడిది మరో దుమారాన్ని రేపుతుంది. మరోవైపు సుశాంత్‌ కేసు రోజుకో కొత్త మలుపు తీసుకుంటున్న విషయం తెలిసిందే. అటు దిశా మరణం కూడా అనేక టర్న్‌లు తీసుకుంటుంది. దీంతోపాటు రియాని ఈడీ విచారిస్తుంది.

Follow Us:
Download App:
  • android
  • ios