బిగ్ బాస్ హౌస్ లో రాజమాతల కుమ్ములాట.. అశ్వినిపై విరుచుకుపడ్డ ప్రియాంక, శోభా.. నామినేషన్స్ లిస్ట్ ఇదే
కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 7 లో నేడు సోమవారం ఎపిసోడ్ రచ్చ రచ్చ గా సాగింది. నామినేషన్స్ కావడంతో ఇంటి సభ్యుల మధ్య వాగ్వాదం తారాస్థాయికి చేరింది.
 )
Followకింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 7 లో నేడు సోమవారం ఎపిసోడ్ రచ్చ రచ్చ గా సాగింది. నామినేషన్స్ కావడంతో ఇంటి సభ్యుల మధ్య వాగ్వాదం తారాస్థాయికి చేరింది. బిగ్ బాస్ ఈ వారం నామినేషన్స్ ప్రక్రియని ఆసక్తికరంగా మలిచారు.
ఇంటిలో ఉన్న లేడీ కంటెస్టెంట్స్ ని రాజమాతలుగా ప్రకటించారు. వారి నిర్ణయమే ఫైనల్. మిగిలిన వాళ్ళు ఇద్దరేసి వచ్చి ఇతరుల్ని కారణాలు చెప్పి నామినేట్ చేయాలి. ఆ ఇద్దరిలో ఎవరి పాయింట్స్ బలంగా ఉంటే.. ఆ కంటెస్టెంట్ నామినేట్ చేసిన వ్యక్తి ఫైనల్ నామినేషన్స్ లో ఉంటారు. ఎవరి పాయింట్ బలంగా ఉంది అనేది రాజమాతలు డిసైడ్ చేస్తారు. నామినేట్ అయిన వ్యక్తి ఫోటోని కత్తితో పొడిచి ప్రకటిస్తారు.
ముందుగా అమర్, అర్జున్ వచ్చారు. అమర్.. భోలే ని నామినేట్ చేయగా.. అర్జున్ గౌతమ్ పేరు చెప్పారు.అయితే వీరిద్దరిలో అమర్ చెప్పిన పాయింట్ బలంగా ఉందని రాజమాతలు నమ్మడంతో భోలే నామినేట్ అయ్యారు. ఆ తర్వాత యావర్, ప్రశాంత్ వచ్చారు. ప్రశాంత్ నామినేట్ చేసిన గౌతమ్ ఫైనల్ నామినేషన్స్ లో నిలిచాడు. యావర్.. అమర్ ని నామినేట్ చేశాడు. అందుకు కారణాలుగా అమర్.. తాను రతిక చుట్టూ తిరుగుతూ పాపులారిటీ కోసం, ఫుటేజ్ కోసం ప్రయత్నిస్తున్నాను అని ఆరోపించడాన్ని యావర్ తెలిపాడు.
ఈ విషయం రతికకి కూడా తెలుసు అని అన్నాడు. కానీ రాజమాతలు యావర్ పాయింట్ ని పట్టించుకోలేదు. బయటకి వచ్చాక దీనిపై యావర్, రతిక మధ్య చర్చ జరిగింది. నేను చెప్పినప్పుడు ఎందుకు సపోర్ట్ చేయలేదు అని యావర్ రతికని ప్రశ్నించాడు. అలా చేస్తే నేను బేవకూఫ్ అవుతా.. రెండవ వారంలో జరిగిన విషయాన్ని 10 వ వారం లో చెబితే బేవకూఫ్ అని నన్ను అంటారు. నేను బేవకూఫ్ కావడానికి సిద్ధంగా లేను అని రతిక యావర్ తో చెప్పింది.
ఇంతలో రాజమాతలు అయిన ప్రియాంక, అశ్విని మధ్య జరిగిన గొడవ చిలికి చిలికి గాలివానలా మారింది. తన వాయిస్ ఎవరూ చెప్పనివ్వడం లేదని.. ఇక ఇక్కడ తాను ఎందుకు ఉండాలి అని అశ్విని కన్నీళ్లు పెట్టుకుంది. దీనితో అశ్వినికి వ్యతిరేకంగా ప్రియాంకతో శోభా శెట్టి తోడైంది. అశ్విని కన్నీళ్లు పెట్టుకుని వాళ్ళిద్దరి కాళ్ళు పట్టుకోవడానికి ప్రయత్నించింది. దీనితో ఓవర్ యాక్షన్ చేయకు అంటూ అశ్వినిపై ప్రియాంక శోభా విరుచుకుపడ్డారు. బయట ఉంది గొడవగమనిస్తున్న అర్జున్.. కొట్టుకోండి నీయమ్మ.. మా నామినేషన్స్ లో మీ గొడవ అంటూ కామెంట్స్ చేశాడు.
ఇక ఫైనల్ గా రాజమాతాల్లో కూడా ఒకరు నామినేట్ కావాలి. శోభా కెప్టెన్ కాబట్టి ఆమె నామినేషన్స్ లో ఉండదు. ఇక మిగిలిన ముగ్గురిలో రతికాని నామినేషన్స్ లో ఉంచారు. ఫైనల్ గా ఈ వారం ఇంటి నుంచి బయటకి వెళ్ళడానికి భోలే, శివాజీ, యావర్, రతిక నామినేట్ అయ్యారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
