బాలయ్య విమానం లో ప్రయాణిస్తున్న సమయం లో పక్కన కూర్చున హరీష్ వర్మ అనేవ్యక్తితో పరిచయం అయ్యింది.. ఆ పరిచయం కాస్త స్నేహంగా మారిందట.
తెలుగు స్టార్ హీరోలలో ఒకరైన బాలకృష్ణ గురించి ఆయనతో పని చేసిన టీమ్, దర్శకులు, నిర్మాతలు గొప్పగా చెబుతారనే సంగతి తెలిసిందే. తనను అభిమానించే వారిని ఆయన అంతే స్దాయిలో అభిమానిస్తారు. ఫ్యాన్స్ కోసం ఎంత దూరం అయినా వెళ్లి, ఎంతో విలువ ఇచ్చే స్టార్ హీరోలలో బాలకృష్ణ ఒకరు. బాలయ్య నిర్మాతల శ్రేయస్సును కోరుకుంటారని ఆయనతో పని చేసిన నిర్మాతలు చాలా సందర్భాల్లో చెప్పారు. బాలయ్య మనస్సులో ఒకటి పెట్టుకుని పైకి మరోలా ఉండరని ఫ్యాన్స్ సైతం చెబుతారు. అలా బాలయ్య అభిమానాన్ని చూసి ఆశ్చర్యపోయిన సంఘటన ఒకటి జరిగింది.
సాధారణంగా బాలయ్య అటు రాజకీయాలతో, ఇటు కుటుంబంతో , మరో ప్రక్క వరస ప్రాజెక్టులతో బిజీగా ఉన్నారు. ఆయన్ని ఏదైనా ఈవెంట్ కు పిలవాలంటే అంత ఖాళీ చేసుకుని రావటం కష్టమే అనిపిస్తుంది. అయితే బాలయ్య మాత్రం తను ఇష్టపడిన వారి కోసం ఎంతదూరం అయినా వెళ్తారు. రీసెంట్ గా ఓ ప్రయాణంలో ప్లైట్ లో పరిచయం అయ్యి, తనను పలకరించి, ఇంటి గృహాప్రవేశానికి రావాలని ప్రేమగా పిలవడంతో ఆ వ్యక్తి ఎవరు.. ఏంటి అనేది కూడా చూడకుండా బాలయ్య.. అతిథిగా ఆ ఇంటికి వెళ్లి ఆ కుటుంబానికి బోల్డంత సంతోషాన్ని అందించాడు. వివరాల్లోకి వెళితే..
ఒకసారి బాలయ్య విమానం లో ప్రయాణిస్తున్న సమయం లో పక్కన కూర్చున హరీష్ వర్మ అనేవ్యక్తితో పరిచయం అయ్యింది.. ఆ పరిచయం కాస్త స్నేహంగా మారిందట. అప్పుడప్పుడు బాలయ్యతో ఆయన మాట్లాడడం జరుగుతుందట. ఈ నేపథ్యంలోనే ఆ స్నేహితుడు యొక్క గృహ ప్రవేశం కార్యక్రమానికి బాలయ్య హాజరుఅయ్యాడు. మాటల సందర్భంలో తన గృహప్రవేశం గురించి చెప్పిన మాటలను సీరియస్ గా తీసుకున్న బాలయ్య తన ట్రావెల్ ఫ్రెండ్ ను సర్ ప్రైజ్ చేసి సందడి చేశాడు. ప్రస్తుతం ఇందుకు సంబంధించిన ఫోటోలు నెట్టింట వైరల్ గా మారాయి
ప్రస్తుతం బాలకృష్ణ భగవంత్ కేసరి(bhagavanth kesari) సినిమాలో నటిస్తున్నాడు. సాహు గారపాటి - హరీశ్ పెద్ది ఈ సినిమాను నిర్మిస్తున్నారు. ఇప్పటికే ఈ సినిమా చాలావరకూ చిత్రీకరణను జరుపుకుంది. ఈ సినిమా బాలయ్య మార్క్ యాక్షన్ తో ఉంటుందని దర్శకుడు అనిల్ రావిపూడి చెప్పాడు. అది నిజమేననే విషయం టైటిల్ ఎనౌన్స్ మెంట్ తోనే తేలిపోయింది.
ఈ సినిమా టైటిల్ పరంగా .. బాలయ్య లుక్ పరంగా మంచి మార్కులు కొట్టేసింది. టీజర్ లో వదిలిన డైలాగ్ తోనే బాలయ్య పాత్ర ఎంత పవర్ఫుల్ గా ఉంటుందనేది అర్థమైపోతోంది. ఈ సినిమాను దసరాకి భారీ స్థాయిలో విడుదల చేయనున్నారు. ఆ దిశగానే ఈ సినిమాకి సంబంధించిన పనులు జరుగుతున్నాయి.
