అమ్మోరు రీషూట్ స్టోరీ: కోడి రామకృష్ణను కాదని..

First Published Feb 22, 2019, 8:35 PM IST

అమ్మోరు సినిమాకుఫస్ట్ డైరెక్టర్ కోడి రామ కృష్ణ కాదు. ఆ సినిమా తెరకెక్కడానికి నిర్మాత మల్లెమాల శ్యామ్ ప్రసాద్ రెడ్డి చాలా కష్టపడ్డారు. అసలు ఆ స్టోరీ ఏంటో ఇప్పుడు తెలుసుకుందాం.

మెగాస్టార్ చిరంజీవి - బాలకృష్ణ - నాగార్జున - వెంకటేష్ వంటి స్టార్ హీరోలను డైరెక్ట్ చేసిన కోడి రామకృష్ణ హీరోయిన్ ఓరియెంటెడ్ సినిమాలను కూడా చేసి బాక్స్ ఆఫీస్ హిట్ అందుకున్నాడు.

తెలుగు ప్రేక్షకులకు గ్రాఫిక్స్ టేస్ట్ చూపించిన మొదటి దర్శకుడు కోడిరామకృష్ణ. 1995లో వచ్చిన మైథలాజికల్ ఫాంటసీ ఫిలిం అమ్మేరు అప్పట్లో ఒక విజువల్ వండర్ గా హిట్టయ్యింది.

అసలైతే ఈ సినిమాను రెండు సార్లు తెరకెక్కించారు. మొదటిసారి సినిమా చూసి ఏ మాత్రం సంతృప్తి చెందని నిర్మాత శ్యామ్ ప్రసాద్ రెడ్డి ఆ తరువాత కోడి రామ కృష్ణతో కొన్ని నెలలపాటు డిస్కర్స్ చేసి హై గ్రాఫిక్స్ తో సినిమాను తెరకెక్కించారు.

మొదట ఈ సినిమాకు కోదండరామిరెడ్డి శిష్యుడు వై.రామారావ్ దర్శకత్వం వహించారు. షూటింగ్ అనంతరం నిర్మాత శ్యామ్ ప్రసాద్ రెడ్డి ఏ మాత్రం సంతృప్తి చెందలేదు.

వెంటనే కోడిరామకృష్ణతో డిస్కర్స్ చేసి సినిమాను మళ్ళీ రీషూట్ కి శ్రీకారం చుట్టారు. అయితే అంతకుముందు వీరి కాంబోలో వచ్చిన ఆగ్రహం సినిమా డిజాస్టర్ గా నిలిచింది. అయినప్పటికీ అంకుశం వంటి సినిమా హిట్టిచ్చినా తరువాత దిగ్గజ దర్శకుడిని నిర్మాత మరోసారి నమ్మారు.

అమ్మోరు సినిమా మొదలుపెట్టడానికి ముందు కోడి రామకృష్ణ అనేక గ్రాఫిక్స్ కి సంబందించిన పుస్తకాలను చదివారు. ఏ మాత్రం పట్టు వదలకుండా టెక్నాలిజీ గురించి బాగా స్టడీ చేశారు. ఎందుకంటే అప్పటివరకు తెలుగు సినిమాల్లో విజువల్ ఎఫెక్ట్స్ ఎవరు టచ్ చేయలేదు.