ఎన్టీఆర్ ఇప్పుడు కొరటాల శివ దర్శకత్వంలో `ఎన్టీఆర్30` చిత్రంలో నటిస్తున్నారు. ఇది త్వరలో ప్రారంభం కాబోతుంది. ఈ చిత్రంలో హీరోయిన్గా అలియాభట్ని తీసుకుంటున్నారని, ఈ విషయంపై అలియాతో చర్చలు జరపగా ఆమె ఓకే చెప్పిందని ఇటీవల ఓ వార్త వైరల్ అయ్యింది.
బాలీవుడ్ ముద్దుగుమ్మ అలియాభట్(Alia Bhatt).. తెలుగులోకి ఎంట్రీ ఇస్తూ `ఆర్ఆర్ఆర్`(RRR Movie) చిత్రంలో నటిస్తున్న విషయం తెలిసిందే. ఇందులో ఆమె సీత పాత్రలో అల్లూరి సీతారామరాజుగా నటిస్తున్న రామ్చరణ్(Ram Charan)కి జోడీగా నటిస్తుంది. ఆమె పాత్ర చాలా ఎమోషనల్గా ఉంటుందని తెలుస్తుంది. ఈ చిత్రంతో తెలుగు ఆడియెన్స్ ని అలరించబోతున్న అలియా భట్.. మరో తెలుగు సినిమా చేస్తుందని గత కొన్ని రోజులుగా ప్రచారం జరుగుతుంది. ఆమె ఎన్టీఆర్తో జోడీ కడుతుందని వార్తలు వినిపిస్తున్నాయి.
ఎన్టీఆర్(NTR) ఇప్పుడు కొరటాల శివ దర్శకత్వంలో `ఎన్టీఆర్30`(NTR 30) చిత్రంలో నటిస్తున్నారు. ఇది త్వరలో ప్రారంభం కాబోతుంది. ఈ చిత్రంలో హీరోయిన్గా అలియాభట్ని తీసుకుంటున్నారని, ఈ విషయంపై Aliaతో చర్చలు జరపగా ఆమె ఓకే చెప్పిందని ఇటీవల ఓ వార్త వైరల్ అయ్యింది. అయితే దీనిపై ఇప్పటి వరకు ఎలాంటి క్లారిటీ ఇవ్వలేదు. కానీ తాజాగా అలియాభట్ స్పందించింది. `ఎన్టీఆర్-కొరటాల` చిత్రంపై క్లారిటీ ఇచ్చింది. ఇందులో తాను నటిస్తున్నట్టు స్పష్టం చేసింది.
ప్రస్తుతం బాలీవుడ్లో అలియాభట్ `గంగూబాయిః కథియవాడి` చిత్రంలో నటిస్తుంది. సంజయ్ లీలా భన్సాలీ దర్శకత్వంలో రూపొందుతున్న చిత్రమిది. అజయ్ దేవగన్ కీలక పాత్ర పోషిస్తున్నారు. ఈ చిత్ర ట్రైలర్ రేపు(శుక్రవారం) విడుదల కాబోతుంది. ఈనేపథ్యంలో గురువారం ముంబయిలో ఓ మీడియా మీట్లో అలియాభట్ స్పందించింది. తెలుగులో చేస్తున్న ఎన్టీఆర్ 30 చిత్రంపై ఆమె క్లారిటీ ఇచ్చింది. `కొరటాల శివ వచ్చి స్టోరీ నరేట్ చేశారు. మరో ఆలోచన చేయలేదు. ఆయన నరేషన్ పూర్తి చేసిన వెంటనే సినిమా చేసేందుకు ఓకే చెప్పాను. `ఆర్ఆర్ఆర్` తర్వాత తారక్తో కలిసి నటించేందుకు ఆసక్తిగా ఎదురుచూస్తున్నా` అని తెలిపింది అలియాభట్.
ఇక ఎన్టీఆర్, రామ్చరణ్, అలియాభట్, ఒలీవియా మోర్రీస్, అజయ్ దేవగన్, శ్రియా కలిసి నటించిన `ఆర్ఆర్ఆర్` చిత్రం మార్చి 25న ప్రపంచ వ్యాప్తంగా విడుదల కాబోతుంది. దర్శకధీరుడు రాజమౌళి దర్శకత్వంలో రూపొందిన ఈ చిత్రాన్ని దానయ్య ఏకంగా ఐదు వందల కోట్లతో నిర్మించారు. ఈ సినిమా పదికిపైగా భాషల్లో పాన్ ఇండియా స్థాయిలో విడుదల కాబోతుంది. ఇక అలియాభట్ ఈ చిత్రంతోపాటు హిందీలో `గంగూబాయి`, అలాగే `బ్రహ్మాస్త్ర`, `డార్లింగ్స్`, `రాకీ ఔర్ రాణి కి ప్రేమ్ కహానీ` చిత్రాల్లో నటిస్తుంది. అంతేకాదు నిర్మాతగా మారి `డార్లింగ్స్` చిత్రాన్ని నిర్మిస్తుంది కూడా.
