`మోస్ట్ ఎలిజిబుల్ బ్యాచ్లర్` వ్రాప్ అప్ పార్టీ.. యూనిట్‌కి నవ్వులు పంచిన సుడిగాలి సుధీర్, గెటప్ శ్రీను
అఖిల్, పూజా హెగ్డే నటించిన `మోస్ట్ ఎలిజిబుల్ బ్యాచ్లర్` సినిమా విడుదల తేదీ దగ్గరపడుతున్న నేపథ్యంలో చిత్ర ప్రమోషన్‌ కార్యక్రమాలు షురూ చేసింది యూనిట్. అందులో భాగంగా తాజాగా ఈ సినిమా వ్రాప్ అప్ పార్టీ జరిగింది.
అఖిల్ అక్కినేని(akhil), పూజా హెగ్డే(pooja hegde) జంటగా మెగా నిర్మాత అల్లు అరవింద్ సమర్పణలో బొమ్మరిల్లు భాస్కర్ తెరకెక్కిస్తున్న రొమాంటిక్ ఫ్యామిలీ ఎంటర్‌టైనర్ `మోస్ట్ ఎలిజిబుల్ బ్యాచ్లర్`(most eligible bachelor). ఈ సినిమాను జీఏ2 పిక్చ‌ర్స్ బ్యాన‌ర్‌పై నిర్మిస్తున్నారు. బన్నీవాసు, వాసు వర్మ కలిసి నిర్మిస్తున్నారు. ఈ చిత్రం అన్ని కార్యక్రమాలు పూర్తి చేసుకుని దసరా కానుకగా అక్టోబర్ 15న విడుదలకు సిద్ధమైంది. ఇప్పటికే సెన్సార్ కూడా పూర్లయింది.
ఇప్పటికే విడుదలైన పాటలు, ట్రైలర్ సినిమాపై ఆసక్తిని రేకెత్తిస్తున్నాయి. సినిమా విడుదల తేదీ దగ్గరపడుతున్న నేపథ్యంలో చిత్ర ప్రమోషన్‌ కార్యక్రమాలు షురూ చేసింది యూనిట్. అందులో భాగంగా తాజాగా ఈ సినిమా వ్రాప్ అప్ పార్టీ జరిగింది. వినోదాత్మకంగా జరిగిన ఈ పార్టీకి హీరో అఖిల్ అక్కినేనితో పాటు చిత్ర యూనిట్ అంతా హాజరయ్యారు. జబర్దస్త్ కమెడియన్స్ సుడిగాలి సుధీర్, గెటప్ శ్రీను సందడి చేశారు. ఇద్దరు కలిసి చిత్ర యూనిట్‌ని కడుపుబ్బ నవ్వించారు. తమదైన కామెడీ టైమింగ్‌తో నవ్వులు పూయించారు. ఆద్యంతం ఫన్‌గా సాగిందీ ఈ వ్రాప్ అప్ పార్టీ.
ఇక సినిమా విషయానికి వస్తే ప్రేమ, కెరీర్, పెళ్లి చుట్టూ అన్ని అంశాలు ముడిపెడుతూ ఎమోషనల్ జర్నీగా తెరకెక్కించారు దర్శకుడు `బొమ్మరిల్లు` భాస్కర్. ట్రైలర్ చాలా ఆసక్తికరంగా సాగింది. ముఖ్యంగా మధ్యలో పెళ్లి, పార్ట్‌నర్ గురించి వచ్చే మాటలు అద్భుతంగా ఉన్నాయి. సినిమా కచ్చితంగా అందరికీ నచ్చుతుందని నమ్మకంగా చెప్తున్నారు చిత్ర యూనిట్. క్లీన్ ఫ్యామిలీ ఎంటర్‌టైనర్‌గా మోస్ట్ ఎలిజిబుల్ బ్యాచ్లర్ వస్తుంది.
త‌న చిత్రాల్లోని పాత్ర‌ల్ని చాలా క్యూట్ రొమాన్స్‌తో ల‌వ్ లీగా వుండేలా డిజైన్ చేస్తారు దర్శకుడు భాస్కర్. ఇప్పుడు మోస్ట్ ఎలిజిబుల్ బ్యాచ్లర్ సినిమాలో కూడా అన్ని పాత్రలను అలాగే డిజైన్ చేస్తున్నారు. సినిమాకు సంబంధించిన మరిన్ని వివరాలు త్వరలోనే తెలియచేయనున్నారు మేకర్స్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
