బిగ్ బాస్ 3లో ఆ ముగ్గురు.. నటి జ్యోతి కామెంట్స్!
క్యారెక్టర్ ఆర్టిస్ట్ గా సినిమాలు చేసిన నటి జ్యోతి బిగ్ బాస్ సీజన్ 1లో కంటెస్టంట్ గా పాల్గొంది. అయితే కొద్దిరోజులకే ఆమె షో నుండి బయటకి వచ్చేసింది.
క్యారెక్టర్ ఆర్టిస్ట్ గా సినిమాలు చేసిన నటి జ్యోతి బిగ్ బాస్ సీజన్ 1లో కంటెస్టంట్ గా పాల్గొంది. అయితే కొద్దిరోజులకే ఆమె షో నుండి బయటకి వచ్చేసింది. త్వరలోనే బిగ్ బాస్ 3 షో ప్రారంభం కాబోతున్న నేపధ్యంలో తాజాగా ఓ ఇంటర్వ్యూలో జ్యోతి చేసిన కామెంట్స్ హాట్ టాపిక్ గా మారాయి.
బిగ్ బాస్ సీజన్ 2ని బిగ్ బాస్ 1తో పోలుస్తూ సీజన్ 2లో కంటెస్టంట్స్ అందరూ ఇష్టానుసారంగా ఉండేవాళ్లని, వాళ్లకు చాలా ఫ్రీడం ఉండేదని చెప్పింది. ఆ అవకాశం తనకు వచ్చి ఉంటే బాగుండేదని తెలిపింది.
బిగ్ బాస్ 2లో ఏ కంటెస్టంట్ కి భయం లేదని సీజన్ 1 అలా కాదని.. హోస్ట్ ఎన్టీఆర్ అంటే ప్రతీ ఒక్కరిలో భయం ఉండేదని చెప్పింది. సీజన్ 2 హైదరాబాద్ లో నిర్వహించడం కూడా మైనస్ అని, ఆ కారణంగా కూడా కంటెస్టంట్స్ లో భయం లేదని చెప్పింది.
సీజన్ 1 లో పాల్గొన్న సమయంలో కంటెస్టంట్స్ లో చాలా ఒత్తిడి ఉండేదని తెలిపింది. ఇక బిగ్ బాస్ 3 గురించి తనకు కొన్ని విషయాలు తెలుస్తున్నాయని, కంటెస్టంట్స్ గా వరుణ్ సందేశ్, ఉదయభాను, ఛార్మి పేర్లు వినిపిస్తున్నాయని వెల్లడించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
