కార్తీ సర్దార్ 2 సెట్స్ లో ఒకరు మృతి... ఏం జరిగిందంటే?
కార్తీ హీరోగా నటిస్తున్న సర్దార్ 2 సెట్స్ లో ప్రమాదం చోటు చేసుకుంది. ఒకరు ప్రాణాలు కోల్పోయారు. దీంతో హీరో కార్తితో పాటు చిత్ర యూనిట్ దిగ్భ్రాంతికి గురయ్యారు.
 )
కార్తీ హీరోగా ఇటీవల సర్దార్ 2 ప్రకటించారు. పూజా కార్యక్రమాలతో మూవీ లాంచ్ చేశారు. జులై 15 నుండి రెగ్యులర్ షూటింగ్ మొదలైంది. కీలక యాక్షన్ సన్నివేశాలు చిత్రీకరిస్తున్నారు. ఈ క్రమంలో ప్రమాదం చోటు చేసుకుంది. ఎజుమలై అనే ఫైటర్ 20 అడుగుల ఎత్తున నుండి క్రిందపడ్డాడు. ఎజుమలై ఛాతికి తీవ్ర గాయమైనట్లు తెలుస్తుంది. చికిత్స పొందుతూ ఫైటర్ కన్నుమూశాడు. ఈ ప్రమాదంలో మరొక ఇద్దరు ఫైటర్స్ కి కూడా గాయాలపాలయ్యారట. వారు ప్రైవేటు ఆసుపత్రిలో చికిత్స పొందుతున్నారని సమాచారం.
ప్రమాదం జరిగినప్పుడు కార్తీ అక్కడే ఉన్నాడని సమాచారం. ఈ మధ్య తరచుగా షూటింగ్ సెట్స్ లో ప్రమాదాలు చోటు చేసుకుంటున్నాయి. 2020లో భారతీయుడు 2 సెట్స్ లో క్రేన్ విరిగి పడి ముగ్గురు యువకులు కన్నుమూశారు. దేవర, కంగువ చిత్రాల చిత్రీకరణ సమయంలో కూడా ప్రమాదాలు చోటు చేసుకున్నాయి. ఈ ప్రమాదాలపై పరిశ్రమ దృష్టి సారించాల్సి ఉంది.
2022లో విడుదలైన సర్దార్ చిత్రానికి సర్దార్ 2 సీక్వెల్. కార్తీ పోలీస్ అధికారిగా, సీక్రెట్ ఏజెంట్ గా రెండు భిన్నమైన పాత్రలు చేశాడు. సర్దార్ చిత్రానికి దర్శకత్వం వహించిన పీఎస్ మిత్రన్ సీక్వెల్ ని కూడా తెరకెక్కిస్తున్నాడు. ఎస్ జే సూర్య ఈ మూవీలో విలన్ రోల్ చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
