WTC Final 2023: ఇండియా - ఆస్ట్రేలియా మధ్య ఓవల్ వేదికగా జరుగుతున్న డబ్ల్యూటీసీ ఫైనల్ లో భాగంగా టీమిండియా మాజీ స్పిన్నర్ హర్భజన్ సింగ్ లైవ్ రిపోర్ట్ ఇస్తుండగా ఆసక్తికర సన్నివేశం చోటుచేసుకుంది.
భారత్ - ఆస్ట్రేలియా మధ్య ఓవల్ లో జరుగుతున్న వరల్డ్ టెస్ట్ ఛాంపియన్షిప్ ఫైనల్ లో ఆస్ట్రేలియా పటిష్ట స్థితిలో నిలిచింది. మూడో రోజు ఆటముగిసే సమయానికి ఆ జట్టు 296 పరుగుల లీడ్ లో ఉంది. కాగా మూడో రోజు ఆట ముగిశాక ఈ మ్యాచ్ ను లైవ్ టెలికాస్ట్ చేస్తున్న స్టార్.. టీమిండియా మాజీ క్రికెటర్లు హర్భజన్ సింగ్, దినేశ్ కార్తీక్ లతో మూడో రోజు ఆట, ఆస్ట్రేలియా టార్గెట్, భారత్ కు గెలుపు అవకఆవాల వంటి వాటి గురించి సీరియస్ గా చర్చిస్తుండగా ఓ ఆసక్తికర సన్నివేశం చోటుచేసుకుంది.
భజ్జీ - దినేశ్ కార్తీక్ లు సీరియస్ గా చర్చించుకుంటుండగా.. వెనకాలే ఉన్న కొంతమంది అభిమానులుఈ ఇద్దరి సంభాషణను ఆసక్తిగా వింటున్నారు. ఇదే క్రమంలో వాళ్లంతా ఓ బెంచ్ ముందు బీర్ గ్లాస్ లు పెట్టుకుని కెమెరాలో కనిపించారు.
ఇది గమనించిన కెమెరామెన్.. హర్భజన్ కామెంట్రీని ఆసక్తిగా వింటున్న ఓ సర్దార్ ను పిలిచి అది తీసేయాలని కోరాడు. ముందు ఆ సర్దార్ కు కెమెరామెన్ ఏం చెబుతున్నాడో అర్థం కాలేదు. కానీ తర్వాత కెమెరామెన్ స్పష్టంగా బీర్ గ్లాస్ అని చెప్పడంతో తేరుకుని దానిని అక్కడ్నుంచి తీసి కెమెరాకు కనబడని చోటులో పెట్టాడు. ఇందుకు సంబంధించిన వీడియో ఇప్పుడు నెట్టింట వైరల్ అయింది.
ఈ వీడియోకు నెటిజన్లు కూడా ఫన్నీ కామెంట్స్ పెడుతున్నారు. ‘వాస్తవానికి కెమెరామెన్ బీర్ గ్లాస్ ను తీయమనలేదు. తనకు కూడా ఓ సిప్ ఇవ్వమన్నాడు. కానీ ఆ సర్దారేమో అది అర్థం కాక లోపల దాచుకున్నాడు..’ అని కామెంట్స్ చేస్తున్నారు. మరికొందరైతే ‘ఏదేమైనా సర్దార్ ఎక్స్ప్రెషన్స్ అయితే కేక.. ముఖ్యంగా లాస్ట్ లో ఆ థమ్సప్ అయితే సూపర్’ అంటూ కామెంట్స్ పెడుతున్నారు.
