Asianet News TeluguAsianet News Telugu

LIC Share: 4వ రోజు కూడా మరింత దిగజారిన LIC స్టాక్ ధర, ఇన్వెస్టర్లకు తప్పని నష్టాలు...ఇప్పుడేం చేయాలి..

లైఫ్ ఇన్సూరెన్స్ కార్పొరేషన్ షేరు ధర వరుసగా నాలుగో రోజు కూడా పతనం బాటే పట్టింది. దీంతో చివరకు ఈ  IPO అట్టర్ ఫ్లాప్ అని నిరూపించబడింది. దీంతో పాటు షేర్లు అలాటైన ఉద్యోగులు, పాలసీ దారులు, అలాగే రిటైల్ ఇన్వెస్టర్లకు ఇదొక పీడకలగా నిలిచింది.

lic made new low as share down over 10 per cent from high what should you do now
Author
Hyderabad, First Published May 20, 2022, 10:42 PM IST

గత 4 రోజుల్లో LIC స్టాక్ దాని గరిష్ట స్థాయి రూ. 918.95 నుండి 10 శాతం పడిపోయింది. నేడు నేషనల్ స్టాక్ ఎక్స్ఛేంజ్‌లో రూ.872కి ప్రారంభమైన ఈ స్టాక్ ఈరోజు రూ.825 కనిష్ట స్థాయికి చేరుకుంది. దీంతో ఈ షేరులో లాస్ బుక్ చేసుకొని బయటపడాలా, లేక హోల్డ్ చేసుకొని ఎదురు చూడాలా. అనే ప్రశ్న ఇన్వెస్టర్ల మదిలో మెదులుతోంది. 

శుక్రవారం, బెంచ్‌మార్క్ ఇండెక్స్ నిఫ్టీ 456 పాయింట్లు (2.89 శాతం) మరియు సెన్సెక్స్ 1534 పాయింట్లు (2.91 శాతం) లాభంతో ముగిసినప్పటికీ, ఎల్‌ఐసి స్టాక్ డౌన్‌వర్డ్ ట్రెండ్‌ను కొనసాగిస్తూ ఇన్వెస్టర్లు చేదు అనుభవాలను మిగిల్చింది. తొలిరోజే దాదాపు 8 శాతం తగ్గింపుతో ఈ స్టాక్‌ లిస్ట్‌ కావడంతో.. తొలి రోజు (మే 17) సెషన్‌ ముగిసే సమయానికి ఇన్వెస్టర్లు దాదాపు 50 వేల కోట్ల రూపాయల నష్టాన్ని చవిచూశారు. అయితే 4 రోజులుగా ఈ నష్టం కొనసాగుతుంది.

సంస్థ మార్కెట్ నుండి రూ. 21 వేల కోట్లు సేకరించగా, దాని ఎగువ ధర రూ. 949 ప్రకారం మార్కెట్ క్యాప్ రూ. 6.01 లక్షల కోట్లుగా ఉంది. కేవలం 3.5 శాతం వాటాను విక్రయించిన తర్వాత కూడా, ఇది భారతదేశ చరిత్రలో అతిపెద్ద IPOగా నిలిచింది.

పెట్టుబడిదారులు ఇప్పుడు ఏమి చేయాలి?
ప్రపంచ ద్రవ్యోల్బణం ఆందోళనలు అలాగే ఆర్థిక వృద్ధిపై ఇన్వెస్టర్ల సెంటిమెంట్ ఎల్‌ఐసిపై ప్రతికూల ప్రభావం చూపాయని ఏంజెల్ వన్ ప్రిన్సిపల్ అడ్వైజర్ అమర్ దేవ్ సింగ్ ఫైనాన్షియల్ ఎక్స్‌ప్రెస్‌తో అన్నారు.

సింగ్ ప్రకారం, LIC బీమా వ్యాపారంలో అగ్రశ్రేణి సంస్థ, దీనిని పరిగణనలోకి తీసుకుంటే, పెట్టుబడిదారులు దీర్ఘకాలిక పెట్టుబడిగా స్టాక్‌లో కొనసాగడం మంచిదని సూచిస్తున్నారు.  ఉండాలి. రాబోయే సంవత్సరాల్లో వ్యాపారంలో మంచి అవకాశాలు వస్తాయని ఆయన అంచనా వేస్తున్నారు.

మాక్వారీ  అంచనా
బ్రోకరేజ్ సంస్థ Macquarie Securities India, తరచుగా కొత్తగా లిస్ట్ అయిన షేర్ల వాల్యుయేషన్ ఆధారంగా దాదాపు ఖచ్చితమైన అంచనాలను వేస్తుంది, ఇది LICని నిశితంగా పర్యవేక్షించడం ప్రారంభించింది. సంస్థ ఈ స్టాక్‌పై 'న్యూట్రల్'గా ఉంది. దీని టార్గెట్ ధరను రూ. 1,000గా నిర్ణయించింది. ఇది దాని ఇష్యూ ధర రూ. 949 కంటే ఎక్కువ అయినప్పటికీ సంస్థ ఫండమెంటల్స్ బలంగా ఉన్నాయని అందుకే ఈ సంస్థ త్వరలోనే మంచి ప్రైజ్ అందుకునే అవకాశం ఉందని పేర్కొన్నారు. 

శుక్రవారం ఎల్‌ఐసీ షేరు 1.75 శాతం క్షీణించి రూ.826.15 వద్ద ముగిసింది. అయితే, ఇంట్రాడేలో గరిష్టంగా రూ.856.80ని కూడా సెట్ చేసింది.

Follow Us:
Download App:
  • android
  • ios