ఒకప్పుడు ప్రపంచ కుబేరుల జాబితాలో రెండో స్థానంలో నిలిచిన గౌతం అదానీ, ఇప్పుడు ఏకంగా 50 బిలియన్ డాలర్ల దిగువకు పడిపోయాడు. దాదాపు 130 బిలియన్ డాలర్లు నికర సంపదతో రెండవ స్థానంలో నిలిచిన గౌతం, ఇప్పుడు 50 బిలియన్ డాలర్ల స్థాయికి పడిపోవడం వెనక హిండెన్ బర్గ్ ఎఫెక్ట్ ఇంకా కొనసాగడమే కారణమని మార్కెట్ విశ్లేషకులు విశ్లేషిస్తున్నారు. 

హిండెన్‌బర్గ్ నివేదిక తర్వాత, అదానీ గ్రూప్ షేర్లలో మొదలైన క్షీణత ఇప్పట్లో ఆగేలా కనిపించడం లేదు. అదాని షేర్లు పూర్వ స్థితికి మళ్లీ రికవరీ అవ్వాలంటే కనీసం 400 శాతం వరకు పెరగాల్సిన అవసరం ఉంది.. షేర్ల ధరలు భారీగా పడిపోవడంతో కంపెనీల మార్కెట్ క్యాపిటలైజేషన్ సైతం భారీగా తగ్గింది. దీంతో గౌతమ్ అదానీ ఆస్తుల నికర విలువ భారీగా పడిపోయింది. ఒకప్పుడు ప్రపంచంలోనే రెండో అత్యంత సంపన్నుడిగా ఉన్న గౌతమ్ అదానీ, సంపద ఇప్పుడు 50 బిలియన్ డాలర్ల దిగువకు పడిపోయింది. సోమవారం కూడా అదానీ గ్రూప్ షేర్లు మరింత క్షీణించాయి.

400 శాతం పతనమైన అదానీ గ్రీన్ ఎనర్జీ షేర్లు..
సోమవారం నాటి ట్రేడింగ్‌లో అదానీ గ్రీన్ ఎనర్జీ షేర్లు రూ.597.50 కనిష్ట స్థాయికి చేరాయి. ఏప్రిల్ 19, 2022న ఈ స్టాక్ దాని 52 వారాల గరిష్ట స్థాయి రూ.3,048ని తిరిగి పొందాలంటే 410 శాతం ర్యాలీ చేయాల్సిన అవసరం ఉంది. ఇక మరో కంపెనీ అదానీ ట్రాన్స్‌మిషన్ దాని కనిష్ట స్థాయి రూ.875.05కి చేరుకుంది. సెప్టెంబర్ 16, 2022న ఈ కంపనీ షేరు ధర రూ. 4,238 గా ఉంది.తిరిగి ఈ షేరు పూర్వ స్థితికి చేరాలంటే 384 శాతం జంప్ చేయాలి.

అలాగే మరో కంపెనీ అదానీ టోటల్ గ్యాస్ షేర్లు దారుణంగా కుప్పకూలాయి. నేడు అదానీ టోటల్ గ్యాస్ షేర్లు రూ.922.95 కనిష్ట స్థాయికి పడిపోయింది. 52 వారాల గరిష్ఠ స్థాయి రూ.3,998.35కి చేరుకోవడానికి ఈ స్టాక్‌కు 332 శాతం బలమైన జంప్ అవసరం. అదానీ పోర్ట్స్ షేరు కూడా రూ.565.55 స్థాయికి పడిపోయింది. దీని 52 వారాల గరిష్ట స్థాయి రూ.987.90గా ఉంది. 

మ్యూచువల్ ఫండ్స్ వాటాలను తగ్గించాయి..
జనవరిలో, మ్యూచువల్ ఫండ్స్ అదానీ గ్రూప్‌లోని కొన్ని షేర్లలో వాటాను తగ్గించుకున్నట్లు డేటా చూపిస్తుంది. అదానీ ఎంటర్‌ప్రైజెస్ విషయంలో, మ్యూచువల్ ఫండ్‌లు జనవరి 31 నాటికి 1,16,54,223 షేర్లు లేదా 1.02 శాతం, 1,32,12,030 షేర్లు లేదా డిసెంబర్ 31 నాటికి 1.16 శాతం ఆఫ్‌లోడ్ చేశాయి.

జనవరి 24 వరకు ప్రపంచ సంపన్నుల జాబితాలో గౌతమ్ అదానీ మూడో స్థానంలో ఉన్నారు. కానీ హిండెన్‌బర్గ్ నివేదిక తర్వాత, అతని కంపెనీల మార్కెట్ క్యాపిటలైజేషన్‌లో భారీ క్షీణత నమోదు చేయడంతో అతను ప్రపంచంలోని అత్యంత సంపన్నుల బ్లూమ్‌బెర్గ్ బిలియనీర్ల జాబితాలో 25వ స్థానానికి పడిపోయాడు.