Sairam Indur

బీజేపీ సీనియర్ నేత, బీహార్ మాజీ డిప్యూటీ సీఎం క్యాన్సర్ తో బాధపడుతున్నారు. ఈ విషయాన్ని ఆయనే స్వయంగా వెల్లడించారు. గత ఆరు నెలలుగా క్యాన్సర్ తో పోరాడుతున్నానని ఆయన ‘ఎక్స్ ’ పోస్ట్ లో పేర్కొన్నారు.

25 ఏళ్ల తరువాత తైవాన్ లో భారీ భూకంపం సంభవించింది. బుధవారం ఉదయం ఒక్క సారిగా ఆ ప్రాంతంలో భూప్రకంపనలు వచ్చాయి. దీని వల్ల సంభవించిన పలు ప్రమాదాల్లో నలుగురు మరణించారు. 

భారతదేశ ఆర్థిక వ్యవస్థను గాడిలో పెట్టేందుకు రాజకీయాల్లోకి ప్రవేశించిన మాజీ ప్రధాని మన్మోహన్ సింగ్ నేడు రాజ్యసభ నుంచి పదవి విరమణ చేయబోతున్నారు. ఈ సందర్భంగా ఆయన సేవలను కాంగ్రెస్ పార్టీ కొనియాడింది.

ప్రముఖ యోగా గురువు బాబా రామ్ దేవ్ పై సుప్రీంకోర్టు ఆగ్రహం వ్యక్తం చేసింది. తప్పుదోవ పట్టించే ప్రకటనలు చేసినందుకు ఆయన కోర్టుతో పాటు యావత్ దేశానికి క్షమాపణలు చెప్పాలని పేర్కొంది.

లోక్ సభ ఎన్నికల నేపథ్యంలో తమిళనాడు డీఎంకేకు చెందిన ఓ నేత ప్రధాని నరేంద్ర మోడీపై విమర్శలు చేశారు. మళ్లీ మూడో సారి ప్రధానిగా నరేంద్ర మోడీ ఎన్నికైతే చికెన్, మటన్ బీఫ్ పై నిషేధం విధిస్తారని అన్నారు. 

బీజేపీలో చేరాలని తనపై ఒత్తిడి వస్తోందని ఢిల్లీ మంత్రి అతిషి అన్నారు. ఆ పార్టీలో చేరకపోతే ఈడీ తనను నెల రోజుల్లో అరెస్ట్ చేస్తుందని హెచ్చరికలు వస్తున్నాయని ఆరోపించారు. కేజ్రీవాల్ ఢిల్లీ సీఎం పదవికి రాజీనామా చేయబోరని అన్నారు.

ఢిల్లీ లిక్కర్ స్కామ్ కేసులో అరెస్ట్ అయిన బీఆర్ఎస్ ఎమ్మెల్సీ కవిత కు మధ్యంతర బెయిల్ ఇవ్వాలని కోరుతూ కోర్టులో దాఖలైన పిటిషిన్ పై సోమవారం వాదనలు జరిగాయి. కవిత తరుఫున సీనియర్ న్యాయవాది అభిషేక్ సింఘ్వి వాదించారు. అయితే ఈ విచారణను కోర్టు ఏప్రిల్ 4వ తేదీకి వాయిదా వేసింది.

బీజేపీ మ్యాచ్ ఫిక్సింగ్ పాల్పడి ఎన్నికలకు వెళ్తోందని ఇటీవల కాంగ్రెస్ నాయకుడు, ఎంపీ రాహుల్ గాంధీ చేసిన వ్యాఖ్యలపై ఎన్నికల కమిషన్ కు బీజేపీ ఫిర్యాదు చేసింది. ఆయనపై కఠిన చర్యలు తీసుకోవాలని, ఎన్నికల సమయంలో ఇలాంటి వ్యాఖ్యలు చేయకుండా చూసుకోవాలని ఈసీని కోరింది.

బీఆర్ఎస్ హయాంలో ఒక్క ఎకరం పంట కూడా ఎండిపోలేదని మాజీ సీఎం కేసీఆర్ అన్నారు. కానీ కాంగ్రెస్ ప్రభుత్వం అధికారంలోకి వచ్చిన కొంత కాలంలోనే 15 లక్షల ఎకరాల్లో పంటలు ఎండిపోయాయని ఆరోపించారు. విద్యుత్ సరఫరాలో కోతలు ఉంటున్నాయని విమర్శించారు.

మ్యాచ్ ఫిక్సింగ్ ద్వారా బీజేపీ ఎన్నికల్లో విజయం సాధించాలని చూస్తోందని కాంగ్రెస్ నాయకుడు రాహుల్ గాంధీ అన్నారు. అలాగే జరిగి రాజ్యాంగాన్ని మార్చితే దేశం అగ్నికి ఆహుతవుతుందని తెలిపారు.