సారాంశం

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.  ఈ దిన ఫలాలు 08.03.2025 శనివారానికి సంబంధించినవి.

మేష రాశి ఫలాలు

అవసరానికి ఆర్థిక సాయం అందుతుంది. మిత్రులతో సంతోషంగా గడుపుతారు. వృత్తి, ఉద్యోగాల్లో ఆదరణ పెరుగుతుంది. వ్యాపారం బాగుంటుంది. నిరుద్యోగ ప్రయత్నాలు ఫలిస్తాయి.

వృషభ రాశి ఫలాలు

పేరు, ప్రఖ్యాతలు పెరుగుతాయి. శుభకార్యల కోసం డబ్బు ఖర్చు చేస్తారు. కుటుంబ సభ్యులతో సంతోషంగా గడుపుతారు. వృత్తి, ఉద్యోగాల్లో అనుకూలం. వ్యాపారాలు లాభసాటిగా ఉంటాయి. ఆరోగ్య సమస్యల నుంచి ఉపశమనం దక్కుతుంది.

మిధున రాశి ఫలాలు

పిల్లల చదువు, ఉద్యోగం విషయాలపై దృష్టి పెట్టడం మంచిది. నిరుద్యోగ ప్రయత్నాలు మందగిస్తాయి. వృత్తి, వ్యాపారాలు అంతంత మాత్రంగా ఉంటాయి. పనుల్లో ఆటంకాలు తప్పవు. ముఖ్యమైన విషయాల్లో బద్దకం పనికిరాదు. కొందరి ప్రవర్తన మానసికంగా ఇబ్బంది పెడుతుంది.

కర్కాటక రాశి ఫలాలు

చేపట్టిన పనులు మధ్యలో ఆగిపోతాయి. దూరప్రయాణాలు వాయిదా వేయడం మంచిది.  వృత్తి, వ్యాపారాల్లో దుడుసుతనం పనికిరాదు. ఉద్యోగులకు శ్రమ  పెరుగుతుంది. దైవ చింతన పెరుగుతుంది. బంధువులతో మనస్పర్థలు వస్తాయి. కొత్త అప్పులకు ప్రయత్నిస్తారు.

సింహ రాశి ఫలాలు

శుభకార్యాలకు ఆహ్వానాలు అందుకుంటారు. దైవ కార్యక్రమాలపై ఆసక్తి పెరుగుతుంది. ఆదాయం బాగుంటుంది. ఉద్యోగం, వ్యాపారం అనుకూలం. వాహన యోగం ఉంది.

కన్య రాశి ఫలాలు

పనులు మందకొడిగా సాగుతాయి. అన్నదమ్ములతో మాటపట్టింపులు వస్తాయి. ఆర్థికంగా ఒడిదుడుకులు తప్పవు. వ్యాపారం అంతంత మాత్రంగా ఉంటుంది. వృత్తి, ఉద్యోగాల్లో సమస్యలు తప్పవు.

తుల రాశి ఫలాలు

శుభకార్యాలు నిర్వహిస్తారు. నూతన కార్యక్రమాలకు శ్రీకారం చుడతారు. కొత్త వ్యాపారాలకు పెట్టుబడులు అందుతాయి. వృత్తి, ఉద్యోగాల్లో విలువ పెరుగుతుంది. మిత్రుల నుంచి ధన సాయం అందుతుంది. స్ధిరాస్తి వ్యవహారాలు లాభసాటిగా ఉంటాయి.

వృశ్చిక రాశి ఫలాలు

దూర ప్రయాణాలు వాయిదా వేయడం మంచిది. వృథా ఖర్చులు పెరుగుతాయి. దైవ కార్యక్రమాల్లో పాల్గొంటారు. ముఖ్యమైన విషయాల్లో తొందరపాటు పనికిరాదు. వృత్తి, వ్యాపారాల్లో అననుకూలం. ఉద్యోగంలో ఇబ్బందులు తప్పవు.

ధనస్సు రాశి ఫలాలు

ఆధ్యాత్మిక విషయాలపై దృష్టి పెడతారు. నిరుద్యోగులకు అనుకూలం. ఆర్థికంగా బాగుంటుంది. వృత్తి, ఉద్యోగాల్లో శ్రమకు తగ్గ గుర్తింపు దక్కుతుంది. విలువైన వస్తువులు కొనుగోలు చేస్తారు. గొడవలు రాజీకి వస్తాయి.

మకర రాశి ఫలాలు

వాహనయోగం ఉంది. వ్యాపారాలు పుంజుకుంటాయి. నిరుద్యోగులు శుభవార్తలు వింటారు. ఉద్యోగులకు అనుకూలంగా ఉంటుంది. నిరుద్యోగ ప్రయత్నాలు ఫలిస్తాయి. ఆదాయం పెరుగుతుంది.

కుంభ రాశి ఫలాలు

ఉద్యోగులకు బాధ్యతలు పెరుగుతాయి. ఆశ్చర్యకరమైన విషయాలు వింటారు. పనులను నిదానంగా పూర్తి చేస్తారు. వృత్తి, వ్యాపారాల్లో వ్యయ ప్రయాసలు తప్పవు. ఖర్చుల విషయంలో జాగ్రత్త అవసరం.

మీన రాశి ఫలాలు

గృహ నిర్మాణ పనుల్లో అవరోధాలు ఏర్పడతాయి. ప్రయాణం విషయంలో జాగ్రత్తగా ఉండాలి. ఆరోగ్యం విషయంలో అప్రమత్తత అవసరం. ఉద్యోగాల్లో ట్రాన్స్ ఫర్ సూచనలు ఉన్నాయి. కొత్త అప్పులు చేయడం మంచిది కాదు. వ్యాపారం గందరగోళంగా ఉంటుంది.