పార్వతీపురం మన్యం జిల్లాలో రోడ్డు ప్రమాదం: ఆరుగురు మృతి
పార్వతీపురం మన్యం జిల్లాలో ఇవాళ జరిగిన రోడ్డుప్రమాదంలో ఆరుగురు మృతి చెందారు. మరో ఇద్దరు గాయపడ్డారు.
 )
Followవిజయనగరం: పార్వతీపురం మన్యం జిల్లాలో బుధవారం నాడు ఘోర ప్రమాదం చోటు చేసుకుంది. కొమరాడ వద్ద ఆటో, లారీని ఢీకొన్న ఘటనలో ఆరుగరు మృతి చెందారు. ఈ ఘటనలో మరో ఇద్దరు గాయపడ్డారు. పెళ్లికి వెళ్లి తిరిగి వస్తున్న సమయంలో కొమరాడ మండలం చొల్లవరం వద్ద ఈ ప్రమాదం జరిగింది.
దేశ వ్యాప్తంగా పలు రాష్ట్రాల్లో ప్రతి రోజూ రోడ్డు ప్రమాదాలు జరుగుతున్నాయి. ఇవాళ మహరాష్ట్ర పుణెలో జరిగిన రోడ్డు ప్రమాదంలో ఒకే కుటుంబానికి చెందిన నలుుగురు మృతి చెందారు.
మేఘాలయలో నార్త్ గారో హిల్స్ లో ఈ నెల 21న జరిగిన రోడ్డు ప్రమాదంలో ఐదుగురు మృతి చెందారు. ఈ నెల 19న తెలంగాణలోని జోగులాంబ గద్వాల జిల్లాలో జరిగిన రోడ్డు ప్రమాదంలో ముగ్గురు మృతి చెందారు. జోగులాంబ అమ్మవారిని దర్శించుకొని తిరిగివెళ్తున్న సమయంలో ఈ ప్రమాదం జరిగింది. ఈ ఘటనలో ముగ్గురు మృతి చెందారు.
ఈ నెల 16 వ తేదీన చౌటుప్పల్ మండలం దండుమల్కాపురం వద్ద ఆటో, బస్సు ఢీకొన్న ప్రమాదంలో ముగ్గురు మృతి చెందారు. ఆంధ్రప్రదేశ్ రాష్ట్రంలోని శ్రీకాకుళంలో ఈ నెల 14న విషాదం చోటు చేసుకుంది. శ్రీకాకుళం జిల్లాలో పెళ్లైన మూడు రోజులకే నవదంపతులు మృతి చెందారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
