ఆఫ్టర్ రిజల్ట్స్: పవన్ దారేటు.. తమ్ముణ్ణి కెలకొద్దంటున్న నాగబాబు

సినీనటుడు, జనసేన అధినేత పవన్ కల్యాణ్ ఎన్నికల ఫలితాల అనంతరం తిరిగి సినిమాల్లోకి రానున్నారంటూ గత కొంతకాలంగా సోషల్ మీడియాలో కథనాలు చక్కర్లు కొడుతున్నాయి. ఈ క్రమంలో ఆయన సోదరుడు నాగబాబు ఘాటుగా స్పందించారు.

పవన్ మళ్లీ సినిమాలు చేస్తారా..? చేయరా.. రాజకీయాల్లోనే కొనసాగుతారా అనే విషయంపై ఆయన క్లారిటీ ఇచ్చారు. పవన్‌ను కొంతమంది కించపరుస్తున్నారని నాగబాబు మండిపడ్డారు. అయితే పవన్ కల్యాణ్ జోలికి వెళ్లకుండా మంచిదని, ఎవరైనా డీగ్రేడ్ చేస్తే 100 రెట్లు పైకి లేస్తారని హెచ్చరించారు.

పవన్‌ను విమర్శిస్తే అది ఆయనకే ప్లస్ అవుతుందని తప్పించి వేరొకటి కాదని నాగబాబు తెలిపారు. ఎన్టీఆర్, జమున, చిరంజీవి లాంటి వాళ్లు రాజకీయ ప్రవేశం తర్వాత కూడా సినిమాలు చేశారని.. అయితే పవన్ అలానే చేయాలనే రూల్ లేదు కదా..? అని నాగబాబు ప్రశ్నించారు. 
 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• pawan kalyan
• nagababu
• janasena
• ap results
• latest telugu news