వైసీపీ కార్యాలయంలో కరోనా వ్యాక్సిన్ తీసుకొన్న ఎమ్మెల్యే నాగార్జున
కరోనా ప్రోటోకాల్ కు విరుద్దంగా గుంటూరు జిల్లాకు చెందిన వైసీపీ ఎమ్మెల్యే నాగార్జున పార్టీ కార్యాలయంలో కోవిడ్ వ్యాక్సిన్ వేసుకొన్నారు.
 )
Followగుంటూరు: కరోనా ప్రోటోకాల్ కు విరుద్దంగా గుంటూరు జిల్లాకు చెందిన వైసీపీ ఎమ్మెల్యే నాగార్జున పార్టీ కార్యాలయంలో కోవిడ్ వ్యాక్సిన్ వేసుకొన్నారు.
కరోనా వ్యాక్సిన్ ను పీహెచ్ సీల్లో కానీ, కరోనా సెంటర్ లో కానీ తీసుకోవాలి. కానీ కోవిడ్ ప్రోటోకాల్ కి విరుద్దంగా వైసీపీకి చెందిన ఎమ్మెల్యే నాగార్జున వైసీపీ కార్యాలయంలో టీకా తీసుకొన్నారు. ఏపీ రాష్ట్రానికి చెందిన వైసీపీకి చెందిన మరో ఎమ్మెల్యే పూర్ణచంద్రప్రసాద్ కూడ తన ఇంట్లోనే వ్యాక్సిన్ తీసుకొన్నాడు. ఏపీ రాష్ట్రంలో ఇద్దరు వైసీపీ ఎమ్మెల్యేలు ప్రోటోకాల్‌కి విరుద్దంగా వ్యాక్సిన్ తీసుకోవడం విమర్శలు దారితీసింది.
ప్రధాని ఎయిమ్స్ లో కరోనా వ్యాక్సిన్ తీసుకొన్నారు. ఏపీ సీఎం జగన్ వార్డు సచివాలయంలో వ్యాక్సిన్ తీసుకొన్నారు. కానీ ఎమ్మెల్యేలు మాత్రం ప్రోటోకాల్ కి విరుద్దంగా వ్యాక్సిన్ తీసుకోవడంపై విపక్షాలు విమర్శలు గుప్పిస్తున్నాయి.ఏపీ రాష్ట్రంలో కరోనా కేసులు ఇటీవల కాలంలో భారీగా పెరిగిపోతున్నాయి. ఈ తరుణంలో కరోనా వ్యాప్తిని తగ్గించేందుకు గాను ఏపీ ప్రభుత్వం వ్యాక్సినేషన్ ను మరింత వేగవంతం చేయాలని నిర్ణయం తీసుకొంది. ఈ నెల మొదటివారంలోనే గ్రామ వార్డు సచివాలయాల ద్వారా వ్యాక్సినేషన్ ప్రక్రియను ఏపీ ప్రబుత్వం ప్రారంభించిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
