ఎస్పీ వస్తున్నారు.... తప్పుకోండి: డీఎస్పీ పై మంత్రి జోగి రమేష్ ఫైర్
డీఎస్పీ వ్యవహరించిన తీరుపై ఏపీ మంత్రి జోగి రమేష్ సీరియస్ అయ్యారు. ఎస్పీ వస్తున్నారని మంత్రిని తప్పుకోవాలని డీఎస్పీ కోరడంపై మంత్రి జోగి రమేష్ మండిపడ్డారు.
విజయవాడ: కృష్ణా జిల్లాలో డీఎస్పీ తీరుపై ఏపీ మంత్రి జోగి రమేష్ సీరియస్ అయ్యారు. శుక్రవారంనాడు మైలవరంలో ఈ ఘటన చోటు చేసుకుంది.మైలవరం అసెంబ్లీ నియోజకవర్గంలో అబివృద్ది కార్యక్రమాల సమీక్ష కార్యక్రమానికి ఏపీ పర్యాటక శాఖ మంత్రి ఆర్ కే రోజా ఇవాళ వచ్చారు. మంత్రి రోజాకు రోడ్లు, భవనాల శాఖ గెస్ట్ హౌస్ వద్ద మంత్రి జోగి రమేష్ , పలువురు అధికారులు స్వాగతం పలికేందుకు చేరుకన్నారు. మంత్రి రోజాకు బోకేలు ఇచ్చి స్వాగతం చెబుతున్నారు. అయితే అదే సమయంలో ఎస్పీ వస్తున్నారని మంత్రి జోగి రమేష్ ను పక్కకు తప్పుకోవాలని డీఎస్పీ కోరారు. ఈ విషయమై మంత్రి జోగి రమేష్ డీఎస్పీపై సీరియస్ అయ్యారు. డీఎస్పీ తీరును జోగి రమేష్ తప్పు బట్టారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
