ఆంధ్రప్రదేశ్‌లో ఇంజనీరింగ్, వ్యవసాయ, వైద్య విద్యలో ప్రవేశాలకు నిర్వహించిన ఎంసెట్ ఫలితాల విడుదల వాయిదా పడింది. షెడ్యూల్ ప్రకారం శుక్రవారం విడుదల కావాల్సిన ఈ పరీక్ష ఫలితాలను వాయిదా వేస్తున్నట్లు ఉన్నత విద్యా మండలి ప్రకటించింది.

ఫలితాల విడుదల తేదీని త్వరలో ప్రకటిస్తామని స్పష్టం చేసింది. తెలంగాణలో ఫెయిలైన ఇంటర్ విద్యార్ధుల రీవాల్యుయేషన్ ఫలితాల తర్వాతే ఏపీ ఎంసెట్ ఫలితాలు విడుదలయ్యే అవకాశం ఉంది.

ఈ ఏడాది ఎంసెట్ పరీక్షలకు 2,82,901 మంది దరఖాస్తు చేసుకోగా.. వీరిలో ఇంజనీరింగ్‌కు 1,85,711 మంది వ్యవసాయ, వైద్య విద్య పరీక్షలకు 81,916 మంది విద్యార్ధులు హాజరయ్యారు.