జైలు బయట తల్లికోసం ఈ చిన్నారి ఎలా వెక్కి వెక్కి ఏడుస్తుందో చూడండి...
ఆ చిన్నారి తల్లి ఖాదీజా బీ (35) సింగిల్ పేరెంట్. ఆమె ఓ దొంగతనం కేసులో డిసెంబర్ 12న జైలు పాలైంది. భర్త వదిలేయడంతో కుటుంబ పోషణ భారం అయ్యి, చిన్న చిన్న నేరాలకు పాల్పడింది.
కర్నూలు : ఆంధ్రప్రదేశ్ లో ఓ హృదయవిదారకమైన ఘటన వెలుగు చూసింది. కర్నూలు సబ్ జైలు దగ్గర ఓ చిన్నారి తల్లికోసం ఏడుస్తున్న వీడియోలు వైరల్ గా మారాయి. చూసిన అందరి హృదయాల్నీ కదిలిస్తున్నాయి.
ఆంధ్రప్రదేశ్‌లోని కర్నూల్‌లో మహిళా సబ్ జైలు బయట 9 ఏళ్ల బాలిక ఏడుస్తుండడాన్ని ఓ బాటసారి గమనించారు. దాన్ని వీడియో తీశాడు. ఆ చిన్నారి తన తల్లిని కలవడానికి అనుమతించమని ఏడుస్తోంది. దాన్ని మొత్తం ఆ వ్యక్తి రికార్డ్ చేశాడు.
ఆయనను సంతృప్తిపర్చేలా చంద్రబాబు, పవన్ చర్చలు..: అంబటి ఎద్దేవా
సోషల్ మీడియాలో పోస్ట్ చేయగా వైరల్ గా మారింది. ఆ చిన్నారి తల్లి ఖాదీజా బీ (35) సింగిల్ పేరెంట్. ఆమె ఓ దొంగతనం కేసులో డిసెంబర్ 12న జైలు పాలైంది. భర్త వదిలేయడంతో కుటుంబ పోషణ భారం అయ్యి, చిన్న చిన్న నేరాలకు పాల్పడింది. దీంతో ప్రస్తుతం ఆమెను జైలుకు వెళ్లేలా చేసింది. ఈ విషయాలు తరువాత తెలిసాయి.
ఖాదీజా బీకి ఐదుగురు పిల్లలు.. వారిలో ఒకరే ఈ తొమ్మిదేళ్ల బాలిక. తల్లిని కలవాలంటూ రోధిస్తుంది. ఈ వీడియో తీసిన తరువాత ఆ వ్యక్తి వెంటనే జైలు సిబ్బందిని అప్రమత్తం చేశారు. అధికారులు జోక్యం చేసుకుని, వెంటనే బాలికను తన తల్లితో కలవడానికి జైలులో అన్ని జాగ్రత్తలతో అనుమతించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
