Summer Eye Care: ఈ సింపుల్ టిప్స్ పాటిస్తే చాలు.. కళ్ల కింద వాపు, డార్క్ సర్కిల్స్ మటుమాయం!

వేసవి కాలంలో ఐ కేర్ చాలా ముఖ్యమైనది. ఈ కాలంలో కళ్ల కింద వాపు, నల్లటి వలయాలు రావడం చాలా సాధారణం. కొన్ని సింపుల్ చిట్కాలతో ఈ సమస్యల నుంచి ఉపశమనం పొందవచ్చు. మరి ఆ చిట్కాలేంటో, వాటిని ఎలా పాటించాలో ఇక్కడ వివరంగా తెలుసుకుందాం.

Dark Circles Remedy: వేసవి కాలం వచ్చిందంటే చాలు, ఎండ, చెమట, డీహైడ్రేషన్ వల్ల మన కళ్లపైనే మొదటి ప్రభావం పడుతుంది. కళ్ల కింద వాపు, నల్లటి వలయాలు (డార్క్ సర్కిల్స్) వచ్చేస్తాయి. దీనివల్ల ముఖం మొత్తం అలసిపోయినట్టు, డల్‌గా కనిపిస్తుంది. కానీ, కొన్ని స్మార్ట్ టిప్స్ పాటిస్తే మీ కళ్లను మళ్లీ ఫ్రెష్‌గా, ప్రకాశవంతంగా మార్చుకోవచ్చు.

చల్లటి కాపడంతే తక్షణ ఉపశమనం

వేసవిలో కళ్ల వాపును తగ్గించడానికి ఇది చాలా సులభమైన పద్ధతి. చల్లటి నీళ్లలో ముంచిన కాటన్ ప్యాడ్స్‌ను కళ్లపై పెట్టుకోవచ్చు. లేదా ఫ్రిజ్‌లో పెట్టిన చల్లటి స్పూన్లను కూడా వాడొచ్చు. ఇలా చేయడం వల్ల బ్లెడ్ సర్క్యులేషన్ మెరుగై వాపు వెంటనే తగ్గుతుంది.

కీరదోస, బంగాళదుంపతో మ్యాజిక్

కీరదోస, బంగాళదుంప.. రెండూ కళ్లకు చాలా మంచివి. కీరదోసలో ఉండే చల్లదనం కళ్లకు హాయినిస్తుంది. అదే సమయంలో, బంగాళదుంపలో ఉండే ఎంజైమ్‌లు నల్లటి వలయాలను తగ్గించడంలో సహాయపడతాయి. రోజూ ఓ 10-15 నిమిషాలు వీటిని వాడితే మంచి ఫలితాలు కనిపిస్తాయి.

హైడ్రేషన్‌ చాలా ముఖ్యం

వేసవిలో డీహైడ్రేషన్ వల్ల కూడా కళ్లు అలసిపోయి, నల్లటి వలయాలు వస్తాయి. రోజంతా సరిపడా నీళ్లు తాగాలి. కొబ్బరి నీళ్లు, తాజా పండ్ల రసాలు కూడా తీసుకోవాలి. దీనివల్ల లోపలి నుంచి శరీరం హైడ్రేట్‌గా ఉండి కళ్లు బాగుంటాయి. చర్మానికి కూడా మంచి గ్లో వస్తుంది.

ప్రత్యేకమైన క్రీముల వాడకం

ఈ రోజుల్లో మార్కెట్లో డార్క్ సర్కిల్స్, వాపు తగ్గించడానికి ప్రత్యేకంగా ఐ క్రీమ్స్, జెల్స్ దొరుకుతున్నాయి. వీటిలో కెఫీన్, విటమిన్ సి, హైలురోనిక్ యాసిడ్ వంటివి ఉంటాయి. ఇవి కళ్ల చుట్టూ ఉన్న చర్మాన్ని తాజాగా, టైట్‌గా కనిపించేలా చేస్తాయి. రాత్రి పడుకునే ముందు వీటిని రాసుకుంటే ఉత్తమ ఫలితాలు ఉంటాయి.

నిద్ర, స్క్రీన్ టైమ్‌పై శ్రద్ధ పెట్టడం

సరిగ్గా నిద్రపోకపోవడం, ఎక్కువసేపు స్క్రీన్ చూడటం కూడా కళ్లు అలసిపోవడానికి ముఖ్య కారణాలు. ప్రతిరోజూ కనీసం 7-8 గంటలు నిద్రపోవాలి. మొబైల్ లేదా ల్యాప్‌టాప్ వాడేటప్పుడు మధ్యమధ్యలో బ్రేక్ తీసుకోవాలి. దీనివల్ల మీ కళ్లకు విశ్రాంతి దొరికి, నల్లటి వలయాలు తగ్గుతాయి. 

సన్‌గ్లాసెస్‌తో కళ్లకు రక్షణ

ఎండలోకి వెళ్లేటప్పుడు సన్‌గ్లాసెస్ పెట్టుకోవడం చాలా అవసరం. ఇవి కళ్లను ప్రమాదకరమైన UV కిరణాల నుంచి కాపాడతాయి. చర్మానికి నష్టం జరగకుండా చూసుకుంటాయి. అంతేకాదు, కళ్ల చుట్టూ ముడతలు, నల్లటి వలయాలు రాకుండా కూడా ఇవి అడ్డుకుంటాయి.