బంగాళదుంప ముఖానికి ఇలా రాస్తే, మీ అందం పెరుగుతుంది..!
సారాంశం
బంగాళ దుంప మన చర్మంపై అద్భుతాలు చేస్తుంది. దానిని సరైన పద్దతిలో ముఖానికి వాడితే, ఎలాంటి క్రీములు లేకపోయినా అందంగా కనిపించొచ్చు.
చర్మ సంరక్షణ కోసం మనం సాధారణంగా ఖరీదైన సౌందర్య సాధనాలు లేదా ఫేస్ ప్యాక్లపై ఆధారపడతాం. కానీ చాలా సార్లు ఇంట్లో దొరికే సాధారణ పదార్థాలే అద్భుత ఫలితాలను ఇస్తాయి. అలాంటి ఒక పదార్థం బంగాళాదుంప. వంటగదిలో ఉండే ఈ కూరగాయ చర్మ సంరక్షణలో అద్భుతంగా పనిచేస్తుంది.
చాలామంది ఆశ్చర్యపోవచ్చు, కానీ బంగాళాదుంపలో సహజ బ్లీచింగ్ లక్షణాలు ఉన్నాయి, ఇవి చర్మంపై నల్లటి మచ్చలను తగ్గించడంలో సహాయపడతాయి. అంతేకాకుండా, బంగాళాదుంపలో ఉండే యాంటీఆక్సిడెంట్లు చర్మాన్ని పునరుజ్జీవింపజేస్తాయి. సహజ మెరుపును తిరిగి తెస్తాయి. ముఖ్యంగా ఎండలో కమిలిన చర్మం, నిద్రలేమి లేదా అలసట వల్ల కలిగే మచ్చలను తొలగించడంలో బంగాళాదుంప ఫేస్ ప్యాక్ చాలా ప్రభావవంతంగా పనిచేస్తుంది. ఈ ఫేస్ ప్యాక్ను ఎలా ఉపయోగించాలో తెలుసుకుందాం.
కావలసినవి
* 1 మీడియం సైజు బంగాళాదుంప (తొక్కతో సహా)
* 2 టేబుల్ స్పూన్ల కలబంద గుజ్జు
* 2 విటమిన్ E క్యాప్సూల్స్
* చిటికెడు కాఫీ పొడి
* 1 టీస్పూన్ గులాబీ నీరు
* 1/2 టీస్పూన్ నిమ్మరసం (సెన్సిటివ్ స్కిన్ కాకపోతే వాడవచ్చు)
తయారీ విధానం
ముందుగా బాగా కడిగిన బంగాళాదుంపను తొక్కతో సహా తురుముకోవాలి. తరువాత దానిని ఒక శుభ్రమైన కాటన్ వస్త్రంలో చుట్టి రసం తీయాలి. ఒక శుభ్రమైన గిన్నెలో 2 టేబుల్ స్పూన్ల కలబంద గుజ్జు తీసుకోండి. తరువాత 2 విటమిన్ E క్యాప్సూల్స్ కట్ చేసి వాటి నూనెను కలపండి. తరువాత చిటికెడు కాఫీ పొడి , 1 టీస్పూన్ గులాబీ నీరు కలపండి. కావాలనుకుంటే, మీరు 1/2 టీస్పూన్ నిమ్మరసం కూడా కలపవచ్చు. అన్ని పదార్థాలను బాగా కలిపి మృదువైన మిశ్రమాన్ని తయారు చేయండి. ఈ మిశ్రమాన్ని ఫ్రిజ్లో 10-15 నిమిషాలు ఉంచాలి.
ఉపయోగించే విధానం
ముఖానికి రాసుకునే ముందు చల్లటి నీటితో ముఖం కడుక్కోవాలి. తరువాత ఈ ఫేస్ ప్యాక్ను ముఖమంతా మెల్లగా రాయండి. ముఖ్యంగా ఎండలో కమిలిన మచ్చలు లేదా ముడతలు ఉన్న చోట తేలికగా రాయండి. ఈ మిశ్రమాన్ని ముఖంపై 15 నుండి 20 నిమిషాలు ఉంచాలి. తరువాత చల్లటి నీటితో కడిగేయాలి. కేవలం ఏడు రోజులు క్రమం తప్పకుండా వాడితే చర్మం మెరుస్తుంది.
బంగాళాదుంప ఫేస్ ప్యాక్ ప్రయోజనాలు ఏమిటి?
* బంగాళాదుంప రసం చర్మంపై నల్లటి మచ్చలను తగ్గించడంలో సహాయపడుతుంది.
* కలబంద గుజ్జు చర్మాన్ని హైడ్రేట్ చేస్తుంది. చల్లబరుస్తుంది.
* విటమిన్ E చర్మాన్ని యవ్వనంగా మారుస్తుంది.
* చర్మంలో రక్త ప్రసరణను పెంచుతుంది. చర్మాన్ని ప్రకాశవంతంగా చేస్తుంది.