దేవినేని ఉమా నీకు సిగ్గుంటే ఖాళీ చేసి మాట్లాడు: మంత్రి అనిల్ ధ్వజం

By Nagaraju penumala  |  First Published Sep 24, 2019, 12:35 PM IST

దేవినేని ఉమా ప్రెస్‌ మీట్‌ పెట్టి మాట్లాడుతున్న స్దలం కూడా ఇరిగేషన్ శాఖదేనని చెప్పుకొచ్చారు. సంవత్సరానికి వేయి రూపాయలకు లీజుకు తీసుకున్న దేవినేని ఉమా మహేశ్వరరావు ఇంకా మీరు నీతి నిజాయితీ అని మాట్లాడతారా అంటూ మండిపడ్డారు.

Follow

అమరావతి: మాజీ ఇరిగేషన్ శాఖ మంత్రి దేవినేని ఉమా మహేశ్శరరావుపై నిప్పులు చెరిగారు ఇరిగేషన్ మంత్రి అనిల్ కుమార్ యాదవ్. పోలవరం రివర్స్ టెండరింగ్ పై అనవసర రాద్ధాంతం చేస్తారా అంటూ మండిపడ్డారు. 

రివర్స్ టెండరింగ్ ప్రక్రియ ప్రభుత్వానికి అవసరమైన వారికోసమేనంటూ మాజీమంత్రి దేవినేని ఉమామహేశ్వరరావు విమర్శించడాన్ని తప్పుబట్టారు. పోలవరమే కాదు వెలిగొండకు కూడా రివర్స్‌ టెండరింగ్‌ కు వెళ్తామని స్పష్టం చేశారు. 

Latest Videos

undefined

టీడీపీ ఇచ్చిన ప్రతీ పని గురించి రివర్స్ టెండరింగ్ కు వెళ్తామని తెలిపారు. వేలకోట్ల రూపాయలు ఆదా దిశగా తమ ప్రభుత్వం ముందుకు వెళ్తున్నట్లు తెలిపారు. తెలుగుదేశం ప్రభుత్వం ఎక్సెస్‌ ఇచ్చిన టెండర్ల ద్వారా దోపిడీ చేసిన మొత్తం పెదబాబు జేబులోకి వెళ్లిందా లేక చినబాబు జేబులోకి వెళ్లాయా..? లేక మరేవరి జేబులోకి వెళ్లాయో చెప్పాలని నిలదీశారు. 

10 నుంచి 20 శాతం వరకు లెస్‌ కు టెండర్‌ వేస్తే వాటిని కట్టబెట్టడం అంటారా అంటూ దేవినేని ఉమాపై మండిపడ్డారు. దేవినేని ఉమా ప్రెస్‌ మీట్‌ పెట్టి మాట్లాడుతున్న స్దలం కూడా ఇరిగేషన్ శాఖదేనని చెప్పుకొచ్చారు.

సంవత్సరానికి వేయి రూపాయలకు లీజుకు తీసుకున్న దేవినేని ఉమా మహేశ్వరరావు ఇంకా మీరు నీతి నిజాయితీ అని మాట్లాడతారా అంటూ మండిపడ్డారు. మీకు సిగ్గుంటే ఆ స్దలాన్ని ఖాళీ చేసి మాట్లాడండి అంటూ తిట్టిపోశారు. 

ఇరిగేషన్‌ డిపార్ట్‌ మెంట్‌ పై జగన్‌ మోహన్‌ రెడ్డి దాడి చేస్తున్నారంటావా అంటూ నిలదీశారు. టీడీపీ ఇచ్చిన టెండర్లన్నీ ఎక్సెస్ అయితే తాము ఇచ్చిన టెండర్లన్నీ లెస్ అని ఇది ప్రజలందరికీ తెలుసునన్నారు.  

ఇప్పటి వరకు రివర్స్ టెండరింగ్ వల్ల రూ.780కోట్లు ప్రభుత్వానికి ఆదా అయ్యిందన్నారు. రివర్స్‌ టెండరింగ్‌ కు వెళ్లకపోతే ఇన్ని కోట్ల రూపాయలు చంద్రబాబు ఆయన వందిమాదిగల చేతుల్లోకి వెళ్లిపోయేదన్నారు. 

ఇకపోతే రివర్స్ టెండరింగ్ లో నవయుగ కంపెనీ కూడా పాల్గొనవచ్చునని స్పష్టం చేశారు. బిడ్‌ లో పాల్గొనవచ్చు అని తామేం వద్దనడం లేదన్నారు. నవయుగ వాళ్లు నామినేషన్‌ లో అయితే ముందుకు వస్తారు కానీ బిడ్డింగ్‌ లో అయితే పాల్గొనరని విమర్శించారు. 

వైయస్ జగన్‌ ప్రభుత్వం భారతదేశంలోనే ఒక చరిత్ర సృష్టించబోతుందన్నారు. దేశం మెుత్తం ఏపీవైపే చూస్తుందని చెప్పుకొచ్చారు. వేల కోట్ల రూపాయలను ప్రభుత్వ ఖజానాకు మిగులుస్తున్నారని భవిష్యత్ లో ఇదేరీతిలో అన్ని ప్రాజెక్టులలో ముందుకు వెళ్తామని స్పష్టం చేశారు. 

రెండు సంవత్సరాలలో పోలవరం ప్రాజెక్టును పూర్తి చేస్తామని  చంద్రబాబు,ఎల్లోమీడియా విషప్రచారాలను నమ్మవద్దని మంత్రి హితవు పలికారు. టెండరింగ్‌ లో పారదర్శకతే తమ ప్రభుత్వం లక్ష్యమని చెప్పుకొచ్చారు. 

పోలవరం డ్యాం ఎత్తును తగ్గిస్తున్నారంటూ టీడీపీ చేస్తున్న రాద్ధాంతం అనవసరమేనని విమర్శించారు. డిజైన్ ప్రకారమే పోలవరం నిర్మాణం జరుగుతుందని ఎత్తును తగ్గించే ప్రసక్తే లేదన్నారు. పోలవరం ప్రాజెక్టు డ్యాం ఎత్తు ఇది వరకు ఎంత నిర్ణయించారో అంత మేరకు డ్యాంను నిర్మిస్తామని స్పష్టం చేశారు మంత్రి అనిల్ కుమార్ యాదవ్. 

ఈ వార్తలు కూడా చదవండి

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

tags

• anil kumar yadav
• ap irrigation minister
• ysrcp
• devineni uma
• chandrababu

Related Posts

దంచికొడుతున్న వాన‌లతో ఏపీ అతలాకుతలం.. ఉన్న‌తాధికారుల‌తో సీఎం స‌మీక్ష‌.. కీల‌క ఆదేశాలు

కాలేజీ ఆడపిల్లల బాత్ రూముల్లో హిడెన్​ కెమెరాలు.. తల్లిగా తీవ్ర భయాందోళనకు గురి చేస్తోంది : వైఎస్ ష‌ర్మిల

జగన్ సర్కార్ 'ఎగ్ పఫ్స్' కోసం రూ.3.62 కోట్లు ఖర్చు పెట్టిందా? వైసీపీ vs టీడీపీ మాటల యుద్ధం

ఆంధ్ర‌ప్ర‌దేశ్ కు కొత్త సీఎస్.. ఎవ‌రీ నీర‌బ్ కుమార్ ప్ర‌సాద్?

ఆంధ్ర‌ప్ర‌దేశ్ అసెంబ్లీ ఎన్నిక‌ల ఫ‌లితాలు 2024 : జ‌న‌సేన నుంచి గెలిచిన అభ్య‌ర్థులు వీరే

Read More