Nov 30, 2022, 5:23 PM IST
హైదరాబాద్ : జనసేన పార్టీ అధ్యక్షుడు, ప్రముఖ టాలీవుడ్ హీరో పవన్ కల్యాణ్ పై తెలంగాణ వ్యవసాయ శాఖ మంత్రి సింగిరెడ్డి నిరంజన్ రెడ్డి తీవ్రస్థాయిలో విరుచుకుపడ్డారు. నిన్నమొన్న వాడెవడో పనికిమాలిన సినిమా యాక్టర్ వరిఅన్నం తినడం ఎన్టీఆర్ వచ్చాకే నేర్పాడని అంటున్నాడని... వానంత మూర్ఖపు వెదవను తానెక్కడా చూడలేదంటూ పవన్ పై మంత్రి విరుచుకుపడ్డారు. 1100 ,1200 ఏళ్ల క్రితమే తెలంగాణలో వరి సాగయిందని... కాకతీయ, రెడ్డి రాజుల కాలంలో గొలుసుకట్టు చెరువుల కింద వరి సాగయిందని మంత్రి తెలిపారు. అలాంటి తెలంగాణ గురించి చరిత్ర తెలియని మూర్ఖులు నోటికొచ్చినట్లు మాట్లాడుతున్నారంటూ పవన్ పై మంత్రి సింగిరెడ్డి విరుచుకుపడ్డారు.