బస్ స్టాప్ లో కుప్పకూలిన యువకుడు.. సీపీఆర్ చేసి రక్షించిన కానిస్టేబుల్

శుక్రవారం నాడు బస్ స్టాప్ లో నిలుచున్న ఓ యువకుడు ఒక్కసారిగా కుప్పకూలిపోయాడు.  అదే సమయంలో అక్కడే ఉన్న ఓ కానిస్టేబుల్ అధిగమించి ఆ యువకుడికి సిపిఆర్ చేశాడు,  దీంతో ఆ యువకుడు ప్రాణాపాయ స్థితి నుంచి బయటపడ్డాడు.  ఈ ఘటన హైదరాబాదులోని రాజేంద్రనగర్ సర్కిల్ ఆరాంఘర్ చౌరస్తాలోని ఓ బస్ స్టాప్ లో చోటుచేసుకుంది. బస్టాప్ లో బస్సు కోసం ఎదురుచూస్తున్న ఓ యువకుడు ఉన్నట్టుండి కింద పడిపోయాడు. ఆ యువకుడు అలా పడిపోవడాన్ని అక్కడే ట్రాఫిక్ విధుల్లో ఉన్న రాజశేఖర్ అనే కానిస్టేబుల్ గమనించాడు.  వెంటనే యువకుడి దగ్గరకు పరిగెత్తి  సిపీఆర్ చేశాడు. సమయానికి కానిస్టేబుల్ స్పందించడంతో  ఆ యువకుడు స్పృహలోకి వచ్చాడు. వెంటనే అతడిని దగ్గరలో ఉన్న ఆసుపత్రికి తరలించారు.