Galam Venkata Rao | Published: Mar 24, 2025, 7:00 PM IST
హీరో నితిన్‌, హీరోయిన్ శ్రీలీల ప్రధాన పాత్రల్లో నటించిన మూవీ `రాబిన్‌హుడ్‌`. వెంకీ కుడుముల డైరెక్షన్‌లో మైత్రీ మూవీ మేకర్స్ ఈ సినిమాని నిర్మించారు. యాక్షన్‌ హీస్ట్ కామెడీ ఎంటర్‌టైనర్‌గా రూపొందిన రాబిన్ హుడ్ మూవీ మార్చి 28న థియేటర్లలో విడుదల కానుంది. ఈ నేపథ్యంలో హైదరాబాద్‌లో నిర్వహించిన ట్రైలర్ లాంచ్ ఈవెంట్‌లో డైరెక్టర్ వెంకీ కుడుముల మాట్లాడారు. రాబిన్ హుడ్ సినిమా తొలుత రష్మిక మందన్నాను హీరోయిన్‌గా అనుకున్నట్లు తెలిపారు. అయితే, అనివార్య కారణాల వల్ల ఆమె నో చెప్పిందన్నారు. అడిగిన వెంటనే శ్రీలీల రాబిన్ హుడ్ చేయడానికి ఒప్పుకున్నారని చెప్పారు.
