Dec 9, 2019, 9:29 PM IST
అనంతపురం జిల్లా పుట్టపర్తి వైసీపీ ఎమ్మెల్యే దుద్దుకుంట శ్రీధర్ రెడ్డిపై సొంత పార్టీ కార్యకర్తలే తీవ్ర ఆరోపణలు చేస్తున్నారు. వైసిపి ప్రభుత్వం అధికారంలోకి వచ్చిన తర్వాత ఆయన ఆగడాలు మరీ ఎక్కువయ్యాయని... సొంత పార్టీకి చెందిన కార్యకర్తల భూములనే కబ్జా చేస్తూ ఇబ్బందులకు గురిచేస్తున్నాడని ఆరోపిస్తున్నారు. మా ఎమ్మెల్యే బారి నుండి కాపాడాలంటూ బాధిత కార్యకర్తలు రోడ్డెక్కి ధర్నాకు దిగారు. పార్టీ కోసం కష్టపడిన కార్యకర్తలకే రక్షణ లేకుండా పోయిందని ఆవేదన వ్యక్తం చేశారు.