పుట్టినరోజు వేడుకల్లో అపశృతి... వైసిపి ఎమ్మెల్యే ఆదీప్ రాజుకు తప్పిన ప్రమాదం

విశాఖపట్నం : వైసిపి ఎమ్మెల్యే అన్నమురెడ్డి ఆదిప్ రాజుకు తృటిలో ప్రమాదం తప్పింది. పెందుర్తి మండలం కృష్ణరాయపురం గ్రామంలో ఘనంగా పుట్టినరోజు జరుపుకున్నారు ఆదిప్ రెడ్డి. ఈ క్రమంలో స్టేజీపై నుండి కిందకు దిగుతున్న క్రమంలో ఒక్కసారిగా మెట్లపై నుండి కిందపడిపోయారు. ఐరన్ మెట్లు బ్యాలన్స్ తప్పి ఒకవైపు ఒరిగిపోవడంతో ఎమ్మెల్యే పడిపోయారు. ఈ ఘటనలో ఆదీప్ రాజుకు ఎలాంటి గాయాలు కాకపోవడంతో అందరూ ఊపిరిపీల్చుకున్నారు.  పెందుర్తి ఎమ్మెల్యే ఆదీప్ రాజు జన్మదిన వేడుకల సందర్భంగా వైసిపి శ్రేణులు భారీగా నిర్వహించారు. ఈ వేడుకల్లో డిప్యూటీ సీఎం బూడి ముత్యాల నాయుడు, నగర మేయర్ గొలగాని హరి వెంకట లక్ష్మి, పెందుర్తి నియోజకవర్గ వైసిపి శ్రేణులు, అభిమానులు పెద్దసంఖ్యలో పాల్గొన్నారు.