వివాహేతర సంబంధం: మహిళను స్తంభానికి కట్టేసి కొట్టారు

తన భర్తతో వివాహేతర సంబంధం పెట్టుకొందని ఆరోపిస్తూ  ఓ మహిళను  భార్యతో పాటు  ఆమె బంధువులు  చితకబాదారు. దీంతో బాధితురాలు  అపస్మారకస్థితిలోకి వెళ్లిపోయింది

తిరుమలగిరి: తన భర్తతో వివాహేతర సంబంధం పెట్టుకొందని ఆరోపిస్తూ  ఓ మహిళను  భార్యతో పాటు  ఆమె బంధువులు  చితకబాదారు. దీంతో బాధితురాలు  అపస్మారకస్థితిలోకి వెళ్లిపోయింది.  ఈ ఘటన నల్గొండ జిల్లా తిరుమలగిరిలో చోటు చేసుకొంది. 

నల్గొండ జిల్లా తిరుమలగిరి  మండలం సాగర్ మండలం అల్వాల్ లో తన భర్తతో అదే గ్రామానికి చెందిన ఓ మహిళ వివాహేతర సంబంధాన్ని కొనసాగిస్తోందని  అనుమానంతో  రేణుక, తన బంధువులతో కలిసి  బాధితురాలిని  స్థంభానికి కట్టేసి చితకబాదింది.

ఇవాళ తెల్లవారుజామున  బాధితురాలు ఇంటికి వచ్చిన  నిందితులు  ఆమెను స్థంభానికి కట్టేసి చితకబాదారు.  ఈ దాడులతో  బాధితురాలు స్పృహా కోల్పోయింది.  ఈ విషయం తెలుసుకొన్న గ్రామస్థులు బాధితురాలిని విడిపించారు.  

స్థానికులు పోలీసులకు సమాచారాన్ని ఇచ్చారు. ఈ సమాచారం మేరకు  పోలీసులు సంఘటనాస్థలానికి చేరుకొన్నారు.  దీంతో నిందితులు పారిపోయారు.  బాధితురాలిని  చికిత్స నిమిత్తం పోలీసులు ఆసుపత్రికి తరలించారు. ఘటనపై  బాధితురాలి ఫిర్యాదు మేరకు  పోలీసులు కేసు నమోదు చేసుకొని దర్యాప్తు చేస్తున్నారు.

ఈ వార్తలు చదవండి