అందుకే ప్రణయ్ ని హత్య చేయించా.. అమృత తండ్రి

హత్య గురించి విచారించగా.. తానే ఈ హత్య చేసినట్లు అంగీకరించాడు. ప్రణయ్ అంటే నచ్చకే తాను ఈ హత్య చేయించినట్లు మారుతీరావు తెలిపాడు.   

తానే తన కూతురి భర్త ప్రణయ్ ని హత్య చేయించానని అమృత తండ్రి మారుతీరావు అంగీకరించారు. శుక్రవారం మిర్యాలగూడలో పట్టపగలు నడిరోడ్డుపై ప్రణయ్ అనే యువకుడిని ఓ వ్యక్తి కత్తితో నరికి చంపడం కలకలం రేపిన సంగతి తెలిసిందే. కాగా.. ఈ హత్య ప్రణయ్ మామ మారుతీరావు చేయించాడని పోలీసులు అనుమానం వ్యక్తం చేశారు.

ఈ హత్య జరగడానికి అరగంట ముందే మారుతీరావు మిర్యాలగూడ నుంచి పరారయ్యాడు. కాగా శనివారం ఉదయం పోలీసులు నిందితుడు మారుతీరావుని అదుపులోకి తీసుకున్నారు. హత్య గురించి విచారించగా.. తానే ఈ హత్య చేసినట్లు అంగీకరించాడు. ప్రణయ్ అంటే నచ్చకే తాను ఈ హత్య చేయించినట్లు మారుతీరావు తెలిపాడు. 

తమ ఇష్టానికి వ్యతిరేఖంగా కూతురు వేరే కులానికి చెందిన వ్యక్తిని పెళ్లి చేసుకోవడం తమకు ఏ మాత్రం నచ్చలేదని ప్రణయ్ ను చంపడానికి 10 లక్షలతో డీల్ కుదుర్చుకొని హతమార్చినట్లు అంగీకరించారు.

read more news