ఎఫ్ఆర్ఓ అనితపై దాడి ఎఫెక్ట్: కోనేరు కృష్ణ సహా మరో 16 మంది అరెస్ట్

ఎఫ్ఆర్ఓ అనితపై దాడి కేసులో కొమరం బీమ్ జిల్లా పరిషత్ వైస్ చైర్మెన్  కోనేరు కృష్ణతో పాటు మరో 16 మందిని పోలీసులు ఆదివారం నాడు అరెస్ట్ చేశారు.  

కాగజ్‌నగర్:ఎఫ్ఆర్ఓ అనితపై దాడి కేసులో కొమరం బీమ్ జిల్లా పరిషత్ వైస్ చైర్మెన్  కోనేరు కృష్ణతో పాటు మరో 16 మందిని పోలీసులు ఆదివారం నాడు అరెస్ట్ చేశారు

ఇవాళ ఉదయం కాగజ్‌నగర్‌ మండలం సార్సాలో  మొక్కలు నాటేందుకు వెళ్లిన ఫారెస్ట్ అధికారులపై జిల్లా పరిషత్ వైస్ చైర్మెన్ కోనేరు కృష్ణ సహా ఆయన అనుచరులు దాడికి దిగారు. ఈ ఘటనలో  తీవ్రంగా గాయపడిన అనిత ఆసుపత్రిలో చికిత్స పొందుతోంది.

మరో వైపు ఈ ఘటనపై ఫారెస్ట్ అధికారుల ఫిర్యాదుపై పోలీసులు కోనేరు కృష్ణ సహా 16 మందిని అరెస్ట్ చేశారు. ఎఫ్ఆర్ఓ అనితపై దాడి చేసిన కృష్ణ తన పదవికి రాజీనామా చేశారు. ఈ ఘటనను ప్రభుత్వం సీరియస్‌గా తీసుకొంది. విచారణ జరిపించి బాధ్యులపై చర్యలు తీసుకొంటామని  ప్రభుత్వం ప్రకటించింది.

సంబంధిత వార్తలు