రేవంత్ భార్యను బ్యాంకుకు తీసుకెళ్లి ఆరా తీస్తున్న ఐటీ అధికారులు

కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి భార్య గీత‌ను ఐటీ అధికారులు బ్యాంకుకు తీసుకెళ్లారు. 

హైదరాబాద్: కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి భార్య గీత‌ను ఐటీ అధికారులు బ్యాంకుకు తీసుకెళ్లారు. గీత సమక్షంలోనే అధికారులు  ఆర్థిక లావాదేవీలపై  ఆరా తీస్తున్నారు.

రేవంత్ రెడ్డితో పాటు ఆయన కుటుంబసభ్యులు, బంధువుల ఇళ్లపై  ఐటీ అధికారులు గురువారం ఉదయం నుండి సోదాలు నిర్వహిస్తున్నారు. శుక్రవారం నాడు కూడ సోదాలు కొనసాగుతున్నాయి.

ఐటీ అధికారులు సోదాలు చేస్తున్న సమాచారం తెలుసుకొన్న రేవంత్ రెడ్డి తన సతీమణితో కలిసి కొడంగల్ ‌లో ఎన్నికల ప్రచారాన్ని మధ్యలోనే నిలిపివేసి హైద్రాబాద్‌కు వచ్చారు.

గురువారం రాత్రి నుండి ఐటీ అధికారులు ఈ విషయమై రేవంత్ తో పాటు ఆయన కుటుంబసభ్యులను  పలు విషయాలపై ఆరా తీస్తున్నారు.ఇదిలా ఉంటే శుక్రవారం నాడు రేవంత్ రెడ్డి సతీమణి గీత సమక్షంలో ఐటీ అధికారులు బ్యాంకు లావాదేవీలపై ఆరా తీస్తున్నారు.

గీతకు ఉన్న బ్యాంకు అకౌంట్లలో ఉన్న లాకర్లు... నగదు తదితర విషయాలపై ఐటీ అధికారులు గీత వద్ద సమాచారాన్ని రాబడుతున్నారని సమాచారం.ఎక్కడి నుండి నిధులు వచ్చాయనే విషయాలపై  ఐటీ అధికారులు ఆరా తీస్తున్నారని చెబుతున్నారు.

సంబంధిత వార్తలు