రిషభ్‌ జట్టులో ఉండాలి.. ఎందుకో చెప్పిన గావస్కర్

త్వరలో ఆస్ట్రేలియాతో జరగనున్న సిరీస్‌లో యంగ్ వికెట్ కీపర్ రిషభ్ పంత్ జట్టులో ఉండాల్సిన అవసరం ఉందన్నారు భారత క్రికెట్ దిగ్గజం సునీల్ గావస్కర్. కివీస్‌తో ముగిసిన వన్డే, టీ20 సిరీస్‌లకు సెలక్టర్లు పంత్‌ను ఆడించకపోవడంతో సన్నీ తాజాగా మరసారి రిషభ్ అవసరాన్ని వెల్లడించాడు.

భారత టాప్ ఆర్డర్‌లో అతడి ఎడమ చేతి వాటం జట్టుకు ప్రయోజనం చేకూరుస్తుంది. పంత్‌ను 4, 5 స్ధానాల్లో బ్యాటింగ్‌కు దింపితే ఎలా ఆడుతున్నాడో తెలుస్తుందన్నారు. కెరీర్‌లో మూడు వన్డేలు ఆడిన రిషభ్ పంత్ పెద్దగా ఆకట్టుకోలేదు.

రెండు ఇన్నింగ్సుల్లోకలిపి కేవలం 41 పరుగులు మాత్రమే చేశాడు. టెస్టుల్లో అతని ప్రదర్శన బాగుంది. ముఖ్యంగా ఆసీస్‌తో సిడ్నీ టెస్టులో 159 పరుగుల ఇన్నింగ్స్ పలువురు మాజీలను ఆకట్టుకుంది. ఈ నెల 24 నుంచి మార్చి 13 వరకు ఆస్ట్రేలియా.. భారత్‌లో పర్యటించనుంది. ఇందులో ఐదు వన్డేలతో పాటు రెండు టీ20లు జరుగుతాయి.