హోంగార్డుపై అత్యాచారం చేసి.. గది కడిగి వెళ్లిన కానిస్టేబుల్

మహిళా హోంగార్డుపై ఆమెతో పాటు పనిచేసే కానిస్టేబుల్ అత్యాచారానికి పాల్పడ్డాడు. బెంగళూరుకు చెందిన వివాహిత అయిన ఓ కానిస్టేబుల్ బెంగళూరు యూనివర్సిటీ క్యాంపస్‌లో విధులు నిర్వహిస్తోంది.

అక్కడే పోలీస్ కానిస్టేబుల్‌గా విధులు నిర్వహిస్తున్న చంద్రశేఖర్ మహిళా హోంగార్డుతో మాట కలిపి.. ఆమెతో పరిచయం పెంచుకున్నాడు. ఈ క్రమంలో నిన్న రాత్రి విధులు ముగించుకుని రాత్రి 9 గంటల ప్రాంతంలో ఆమె ఇంటికి వచ్చింది.

బట్టలు మార్చుకుంటుండగా.. చంద్రశేఖర్ ఆమె ఇంటికి వచ్చి తలుపుకొట్టాడు. తన భర్త అనుకుని మహిళా హోంగార్డు తలుపు తీయగా బలవంతంగా లోపలికి తోసుకువచ్చిన అతను.. ఆమెపై అత్యాచారానికి పాల్పడ్డాడు.

అనంతరం నీళ్లతో గదిని కడిగి.. కొంత డబ్బును వెదజల్లి పారిపోయాడు. తనపై జరిగిన దారుణంపై హోంగార్డు పోలీసులకు ఫిర్యాదు చేసింది.. దీనిపై కేసు నమోదు చేసుకున్న ఉన్నతాధికారులు దర్యాప్తునకు ఆదేశించారు.