భారత్ లోకి అక్రమంగా ప్రవేశించిన ఇద్దరు చైనీయుల అరెస్ట్

East Champaran: భారత్ లోకి అక్రమంగా ప్రవేశించిన ఇద్దరు చైనీయులను పోలీసులు అరెస్ట్ చేశారు. సరైన ప్రయాణ పత్రాలు లేని వారు తమ పాస్ పోర్టుల‌ను  బీర్గం జోన్ లోని ఓ హోటల్లో వదిలివెళ్లినట్లు గుర్తించారు.  

Two Chinese nationals arrested in Bihar: భారత్ లోకి అక్రమంగా ప్రవేశించిన ఇద్దరు చైనీయులను పోలీసులు అరెస్ట్ చేశారు. సరైన ప్రయాణ పత్రాలు లేని వారు తమ పాస్ పోర్టుల‌ను  బీర్గం జోన్ లోని ఓ హోటల్లో వదిలివెళ్లినట్లు గుర్తించారు. వివ‌రాల్లోకెళ్తే.. బీహార్ లోని తూర్పు చంపారన్ జిల్లాలో ఇద్దరు చైనీయులను అరెస్టు చేశారు. సరైన పత్రాలు లేకుండా నేపాల్ మీదుగా భారత్ లోకి ప్రవేశించిన ఇద్దరు చైనా జాతీయులను బీహార్ లోని తూర్పు చంపారన్ జిల్లాలో అరెస్టు చేసినట్లు అధికారులు ఆదివారం తెలిపారు.

వీరిని శనివారం రాత్రి రక్సౌల్ సరిహద్దు ఔట్ పోస్టు వద్ద అరెస్టు చేసినట్లు అసిస్టెంట్ ఫారినర్ రీజినల్ రిజిస్ట్రేషన్ ఆఫీసర్ ఎస్ కే సింగ్ తెలిపారు. విచారణలో విదేశీయులు తమను తాము చైనాలోని జాక్సింగ్ ప్రావిన్స్ కు చెందిన ఝావో జింగ్, ఫూ కాన్గా గుర్తించారు. సరైన ప్రయాణ పత్రాలు లేని వారు తమ పాస్పోర్టులను సరిహద్దు వెంబడి ఉన్న బీర్గం జోన్ లోని ఓ హోటల్లో వదిలేశారనీ, అక్కడ వారు ముందు రోజు రాత్రి బస చేశారని తెలిపారు.

వారు ఆటోరిక్షాలో సరిహద్దుకు చేరుకుని కాలినడకన వెళ్లేందుకు ప్రయత్నించారని సింగ్ తెలిపారు. జూలై 2న సరైన పత్రాలు లేకుండా భారత భూభాగంలోకి చొరబడేందుకు చైనా పౌరులు ప్రయత్నించారనీ, వారు అనుకోకుండా అలా చేశారని ఆయన చెప్పారు. ఆ సమయంలో వారిని విడిచిపెట్టి, వారి పాస్ పోర్టుల‌ను "ఎంట్రీ రిజెక్ట్" స్టాంప్ తో తిరిగి ఇచ్చారని అధికారి తెలిపారు. ఈ ప్రాంతంలోకి ప్రవేశించేందుకు వారు పదేపదే ప్రయత్నించడం అనుమానాలకు తావిస్తోంది. దీంతో తదుపరి విచారణ, చర్యల కోసం వారిని స్థానిక పోలీసులకు అప్పగించినట్లు తెలిపారు.

ఇదిలావుండ‌గా, భారత పాస్ పోర్టును మోసపూరితంగా పొందారన్న కేసులో 51 ఏళ్ల పాకిస్థాన్ జాతీయుడిని అదుపులోకి తీసుకోవాలన్న రాష్ట్ర ప్రభుత్వ ఉత్తర్వులను తెలంగాణ హైకోర్టు కొట్టివేయడంతో ఆయన కేంద్ర కారాగారం నుంచి విడుదలయ్యారు. ఈ నెల 13న జస్టిస్ కె.లక్ష్మణ్, జస్టిస్ పీ.శ్రీసుధలతో కూడిన ధర్మాసనం ఆదేశాల మేరకు షేక్ గుల్జార్ ఖాన్ అలియాస్ గుల్జార్ మాసిహ్ ను చర్లపల్లి కేంద్ర కారాగారం నుంచి విడుదల చేశారు. ప్రతివాది నెం.599 (తెలంగాణ ప్రభుత్వం) జారీ చేసిన జీవో నెం.1 చట్టవిరుద్ధమనీ, దాన్ని కొట్టివేయాల్సిందేనని ధర్మాసనం తన ఉత్తర్వుల్లో పేర్కొంది. అయితే, ఈ ఉత్తర్వు 4వ ప్రతివాది (యూనియన్ ఆఫ్ ఇండియా)ను చట్టప్రకారం డీటెను బహిష్కరణ ప్రక్రియను పూర్తి చేయడానికి ఆటంకం కలిగించదని హైకోర్టు ఉత్తర్వుల్లో పేర్కొంది. పాకిస్థాన్ లోని పంజాబ్ ప్రావిన్స్ లోని సియాల్ కోట్ జిల్లాకు చెందిన గుల్జార్ ఖాన్ 2011లో నకిలీ పత్రాలు సృష్టించి భారత్ లోకి ప్రవేశించినట్లు ఆరోపణలు వచ్చాయి. గుల్జార్ ఆంధ్రప్రదేశ్ కు చెందిన ఓ మహిళను వివాహం చేసుకుని అక్కడే పెయింటర్ గా పనిచేస్తున్నాడు.