పాకిస్తాన్ మన మీద డైరెక్ట్ గానే దాడి చేస్తుంది..గట్టిగానే బుద్ధి చెబుతాం..Modi వార్నింగ్

గాంధీనగర్ లో జరిగిన సభలో మోడీ, పాకిస్తాన్ మన మీద డైరెక్ట్ గానే పోరాటం చేస్తుందని అన్నారు.

గుజరాత్‌ గాంధీనగర్‌లో జరిగిన ఓ బహిరంగ సభలో ప్రధాని నరేంద్ర మోడీ సంచలన వ్యాఖ్యలు చేశారు. పాకిస్తాన్ భారతదేశంపై ప్రత్యక్షంగా యుద్ధం ప్రారంభించిందని, ఇప్పుడు జరిగేది పరోక్ష పోరాటం కాదని స్పష్టం చేశారు. గతంలో మాదిరిగా వెనుక తలుపుల గుండా నడిచే కాలం ముగిసిందని, ఇప్పుడు టెర్రరిస్టుల క్యాంపులను దేశాల మధ్య యుద్ధంగా భావించాల్సిన సమయం వచ్చిందని ఆయన పేర్కొన్నారు.

సభలో ప్రసంగిస్తూ మోడీ, 1947 విభజన సమయంలో మొదటి టెర్రరిస్టు దాడి గురించిన అంశాన్ని ప్రస్తావించారు. అప్పట్లో ముజాహిదీన్లను పూర్తిగా తుడిచిపెట్టివేసి ఉంటే, ఈ రోజు దేశం ఎదుర్కొంటున్న సమస్యలు ఉత్పన్నమయ్యేవి కాదన్నారు. అప్పట్లో సర్దార్ పటేల్ కలలు కన్నట్టు పాకిస్తాన్ ఆక్రమిత కశ్మీర్ ను తిరిగి స్వాధీనం చేసుకోవడంలో విఫలమయ్యామని వ్యాఖ్యానించారు.

ఇప్పటివరకు 75 సంవత్సరాలుగా భారతదేశం సహనం పాటిస్తోందని, అయినా పాకిస్తాన్ మూడు యుద్ధాల్లో ఓడిపోయిన తర్వాత టెర్రరిజాన్ని ఆయుధంగా మార్చుకుందని మోడీ తెలిపారు. ప్రత్యక్షంగా పోరాడితే గెలవలేమన్న అర్థంతోనే వారు టెర్రరిజానికి మొగ్గుచూపారన్నారు. ఇక టెర్రరిజాన్ని సహించకూడదని, దానికి గట్టి బదులివ్వాల్సిన సమయం వచ్చిందన్నారు.

మే 6 తర్వాత దేశానికి ఎదురవుతున్న పరిస్థితులను ప్రస్తావించిన మోడీ, 22 నిమిషాల వ్యవధిలో తొమ్మిది టెర్రరిస్ట్ శిబిరాలను టార్గెట్ చేసిన ఘటనను గుర్తు చేశారు. ఇది పరోక్ష యుద్ధం అనిపించదని, ఇప్పుడు జరిగేది పూర్తిగా ఓ డైరెక్ట్ వార్ అన్నది స్పష్టమవుతోందన్నారు. పాకిస్తాన్ ఎలాంటి వెనుకటి యత్నాలు లేకుండా టెర్రరిస్టులకు గౌరవం చూపించడమే ఇందుకు నిదర్శనమని అభిప్రాయపడ్డారు.

మరిన్ని పొరుగు దేశాలతో శాంతియుతంగా ముందుకెళ్లాలన్నది భారత్ ఉద్దేశం అయినప్పటికీ, రెచ్చగొట్టే చర్యలకు తగిన విధంగా ప్రతిస్పందిస్తామని మోడీ స్పష్టం చేశారు. భారత్ వీరుల దేశమని గుర్తుచేస్తూ, ఇకపై బాంబుకు బాంబుతోనే ప్రతిఘటన ఉంటుందని హెచ్చరించారు. టెర్రరిజాన్ని శాశ్వతంగా అంతమొందించాల్సిన అవసరం ఉందన్నారు.