కర్ణాటక రాష్ట్రంలో ప్రేమికులను బెదిరించి డబ్బులు, బంగారు ఆభరణాలను దుండగులు దోచుకొన్నారు. అంతేకాదు యువతిని వివస్త్రను చేసి వీడియో తీసి ఘటన కేంగేరీ పోలీస్ స్టేషన్ పరిధిలో చోటు చేసుకొంది.
బెంగుళూరు: కర్ణాటక రాష్ట్రంలో ప్రేమికులను బెదిరించి డబ్బులు, బంగారు ఆభరణాలను దుండగులు దోచుకొన్నారు. అంతేకాదు యువతిని వివస్త్రను చేసి వీడియో తీసి ఘటన కేంగేరీ పోలీస్ స్టేషన్ పరిధిలో చోటు చేసుకొంది. ఈ ఘటనపై యువతి ప్రియుడు ఇచ్చిన ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.
కర్ణాటక రాష్ట్రంలోని కెంగేరీ పోలీస్ స్టేషన్ పరిధిలో దారుణం చోటు చేసుకొంది. ఓ క్యాబ్ డ్రైవర్‌తో ఓ యువతి ప్రేమలో పడింది. ఆదివారం నాడు ఆమెను స్వగ్రామానికి పంపేందుకు యువకుడు ఆమెను తీసుకొని కెంగేరీ పోలీస్‌స్టేషన్‌కు తీసుకొచ్చాడు.
ఈ ప్రేమ జంట రైల్వేస్టేషన్‌కు వెళ్లే సమయానికి యువతి ప్రయాణించాల్సిన రైలు వెళ్లిపోయింది. తెల్లవారుజామున మరో రైలు వస్తోందని రైల్వే అధికారులు చెప్పడంతో రైల్వేస్టేషన్ పక్కనే కారులో కూర్చొన్నారు.
ఈ జంట కారులో ఏకాంతంగా ఉన్న విషయాన్ని గమనించిన నలుగురు దుండగులు ఈ జంటను బెదిరించారు. ఈ జంట వద్ద ఉన్న డబ్బును, బంగారు ఆభరణాలను దోచుకొన్నారు.
అంతేకాదు ఆ యువతిని వివస్త్రను చేసి మొబైల్ ఫోన్లో ఆ వీడియోలను రికార్డు చేశారు. ఈ దోపీడీ విషయాన్ని ఎవరికైనా చెబితే యువతి వీడియోలను సోషల్ మీడియాలో షేర్ చేస్తామని బెదిరించారు.
దీంతో భయపడిన ఆ జంట ఒక్కరోజు చడీ చ్పపుడు లేకుండా ఉన్నారు. మరునాడు పోలీసులకు ఫిర్యాదు చేశారు. దుండగుల కోసం పోలీసులు గాలింపు చర్యలు చేపట్టారు.