యజమాని ఇంట్లోకి పోనివ్వకుండా చిరుతను భయపెట్టిన శునకం.. తోక ముడిచి పరుగులు పెట్టిన పులి..వీడియో వైరల్

ఓ శునకం ఏకంగా చిరుతను ఎదురించింది. తన యజమాని కుటుంబానికి రక్షణగా నిలిచింది. ఆ కుక్క ధైర్యానికి ఆ వన్య మృగం కూడా వెనక్కి తగ్గింది. వచ్చిన దారినే వెనక్కి వెళ్లిపోయింది. 

ఓ కుక్క చిరుత పులిని భయపెట్టింది. తన యజమాని ఇంటికి రక్షణగా నిలిచింది. వన్య మృగంతో పోరాడింది. దీంతో ఆ పులి తోక ముడిచింది. వచ్చిన దారినే పరుగు పెట్టింది. ఈ దృష్యాలన్నీ అక్కడున్న సీసీ కెమెరాల్లో రికార్డు అయ్యాయి. ఇప్పుడవి సోషల్ మీడియాలో వైరల్ గా మారాయి.

ఈ ఘటన మహారాష్ట్రలోని అహ్మద్ నగర్ లో చోటు చేసుకుంది. వైరల్ అవుతున్న ఆ వీడియో ప్రకారం. ఓ కుక్క తన యజమాని ఇంటికి కాపాలా కాస్తోంది. ఆ ఇంటికి రాత్రి సమయంలో ఓ చిరుతపులి వచ్చింది. లోపలికి వెళ్లేందుకు ప్రయత్నించింది. కానీ ఆ ఇంటి ప్రవేశద్వారం వద్ద ఓ కుక్క కాపాలాగా ఉందన్న విషయం అది గ్రహించలేకపోయింది.

ఆ చిరుత పులి దగ్గరకు రాగానే కుక్క మొరగడం ప్రారంభించింది. ఏకంగా చిరుత పులిపైనే తిరగబడింది. లోపలకు వెళ్లకుండా అడ్డుపడింది. కుక్క పోరాటానికి పులి వెనక్కి తగ్గింది. తోక ముడిచి వచ్చిన దారిన వెళ్లిపోయింది.

కాగా.. ఈ ఏడాది జనవరిలో కర్ణాటకలోని రాంనగర్ లో చిరుత పెంపుడు కుక్కపై దాడి చేసింది. ఆ కుక్కను తన నోటితో పట్టుకొని తీసుకెళ్లిపోయింది. ఈ ఘటన మొత్తం ఆ ప్రాంతంలో ఏర్పాటు చేసిన సీసీటీవీ కెమెరాలో రికార్డయింది.