వర్షాకాలంలోనూ ఏసీ వాడుతున్నారా..? టెంపరేచర్ ఎంత ఉండాలో తెలుసా?
By ramya Sridhar | First Published Jul 18, 2024, 4:50 PM ISTఉక్కపోత తట్టుకోలేక ఏసీ వాడినా.. ఎంత టెంపరేచర్ లో పెట్టుకోవాలి..? వర్షాకాలంలో ఏసీలు వాడితే ఏవైనా ఆరోగ్య సమస్యలు వస్తాయా..? వీటికి నిపుణుల సమాధానం ఏంటో తెలుసుకుందాం...
మొన్నటి వరకు ఎండలు మండిపోయాయి. ఆ ఎండల వేడి తట్టుకోలేక ప్రతి ఒక్కరూ ఏసీలు వాడారు. కానీ వాతావరణంలో మార్పులు వచ్చేశాయి. దేశంలో అక్కడక్కడా వర్షాలు పడుతూనే ఉన్నాయి. వాతావరణం చల్లగా మారి హాయిగా ఉంటుంది. ఇలాంటి సమయంలో దాదాపు ఎవరూ ఏసీ వాడరు. కానీ.. ఈ వర్షాకాలంలోనూ సడెన్ గా వాతావరణ మార్పుల కారణంగా ఒక్కోసారి ఉక్కపోతగా ఉంటుంది. అలాంటప్పుడు.. చాలా మంది ఇంకా ఏసీలు వాడుతూనే ఉంటారు.
కానీ వర్షాకాలంలో ఏసీ వాడటం మంచిదేనా..? ఉక్కపోత తట్టుకోలేక ఏసీ వాడినా.. ఎంత టెంపరేచర్ లో పెట్టుకోవాలి..? వర్షాకాలంలో ఏసీలు వాడితే ఏవైనా ఆరోగ్య సమస్యలు వస్తాయా..? వీటికి నిపుణుల సమాధానం ఏంటో తెలుసుకుందాం...
Latest Videos
undefined
ఎవరి అవసరాన్ని బట్టి వారు వర్షాకాలంలోనూ ఏసీ వాడటంలో ఎలాంటి తప్పులేదట. కానీ... మరీ వాతావరణంలో తేమని తగ్గించేలా.. డ్రై మోడ్ లో ఏసీని ఉంచడం మాత్రం మంచిది కాదని నిపుణులు చెబుతున్నారు. ఇలా ఉంచడం వల్ల గాలిలోని తేమను తొలగించి గది ఉష్ణోగ్రతను నిర్వహిస్తుంది. అలాగే, తక్కువ వర్షం పడినప్పుడు , గాలి మరీ తేమగా లేనప్పుడు మీరు మీ ACని కూల్ మోడ్‌లో ఉపయోగించవచ్చు.
వర్షాకాలంలో ఏసీ ఉష్ణోగ్రత ఎంత ఉండాలి? వర్షాకాలంలో గాలి చల్లగా ఉంటుంది కాబట్టి గది చాలా చల్లగా ఉంటుంది.AC ఉష్ణోగ్రత చాలా తక్కువగా ఉంచినప్పుడు.. దీని వల్ల అనేక శారీరక సమస్యలు తలెత్తుతాయి. కాబట్టి, AC ఉష్ణోగ్రత 24 , 26 డిగ్రీల సెల్సియస్ మధ్య ఉండాలి. రాత్రిపూట కూడా ఏసీని వినియోగించుకోవచ్చు.
అయితే.. AC బ్లోవర్‌ను ఎప్పటికప్పుడు శుభ్రం చేయండి. ఇది AC సామర్థ్యాన్ని మెరుగుపరుస్తుంది. గదిలోని గాలిని శుభ్రంగా ఉంచుతుంది.
విండోను తెరిచి ఉంచండి:
AC గదిలో గాలి ప్రసరణను నిర్వహించడం చాలా ముఖ్యం. కాబట్టి, స్వచ్ఛమైన గాలి లోపలికి వచ్చేలా కిటికీని కొద్దిసేపు తెరిచి ఉంచండి. అయితే.. రోజంతా ఏసీ వాడకూడదు. కాబట్టి, ఎప్పటికప్పుడు ఆన్ చేసి, మీ అవసరాన్ని బట్టి మాత్రమే ఉపయోగించుకోండి. ఇది మీకు విద్యుత్ ఖర్చులను ఆదా చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి