White Teeth: ఈ సింపుల్ చిట్కాలతో పళ్లకు పట్టిన పచ్చదనం ఈజీగా పోతుంది!
సారాంశం
పళ్లు పసుపు రంగులో ఉంటే.. ముఖం అందం తగ్గిపోతుంది. మనస్ఫూర్తిగా నవ్వడానికి కూడా ఇబ్బంది అనిపిస్తుంది. రకరకాల కారణాల వల్ల పళ్లు పచ్చగా మారుతుంటాయి. కానీ కొన్ని సింపుల్ చిట్కాలతో దంతాలను శుభ్రంగా ఉంచుకోవచ్చు. అవేంటో ఇక్కడ చూద్దాం.
నోరు, దంతాలు శుభ్రంగా ఉంచుకోవడం చాలా ముఖ్యం. పళ్లు పచ్చగా ఉంటే ముఖం అందం తగ్గిపోతుంది. నలుగురిలో మాట్లాడడానికి చాలా ఇబ్బందిగా అనిపిస్తుంది. అంతేకాదు నోటినుంచి దుర్వాసన కూడా వస్తుంది. కాబట్టి దంతాలను శుభ్రంగా ఉంచుకోవాలి. కొన్ని సార్లు నోరు ఎండిపోవడం, డీహైడ్రేషన్ వంటివి కూడా దంతాల ఆరోగ్యంపై ప్రభావం చూపిస్తాయి. అలాంటప్పుడు రోజుకు రెండుసార్లు బ్రష్ చేసినా సరే.. పళ్ల సమస్యలు వస్తూనే ఉంటాయి. మరి అలాంటి టైంలో ఏం చేస్తే మంచిదో ఇక్కడ చూద్దాం.
దంతాల సంరక్షణ కోసం పాటించాల్సిన చిట్కాలు
2 లీటర్ల నీళ్లు తాగండి
సోడా, జ్యూస్లు, ఇతర చక్కెర పానీయాలు దంతాలకు హానికరం. వాటిలోని చక్కెర దంతాలపై ఆమ్లాన్ని ఏర్పరుస్తుంది. దీనివల్ల పళ్లు బలహీనపడి దంతక్షయం ఏర్పడుతుంది. అందుకే నీళ్లు తాగడం ఉత్తమం. రోజూ కనీసం 2 లీటర్ల నీళ్లు తాగండి. మీరు స్పోర్ట్స్ పర్సన్ లేదా శారీరక శ్రమ ఎక్కువగా చేసేవారు అయితే.. ఎక్కువ నీళ్లు తాగండి. నీళ్లు తాగడం వల్ల నోట్లో లాలాజలం ఉత్పత్తి అవుతుంది. ఇది దంతాలను శుభ్రంగా ఉంచడానికి సహాయపడుతుంది.
తాజా పండ్లు, కూరగాయలు
ఐస్క్రీమ్, మిఠాయిలు, ఇతర జిగట ఆహారాలు దంతాలకు హానికరం. ఇవి దంతక్షయానికి కారణం కావచ్చు. అందుకే ప్యాక్ చేసిన స్నాక్స్కు బదులుగా.. పుచ్చకాయ, దోసకాయ, టమాట వంటి తాజా పండ్లు, కూరగాయలు తినండి. ఇవి శరీరాన్ని చల్లబరుస్తాయి. దంతాలకు మంచి చేస్తాయి. మీరు ఒకవేళ స్వీట్లు తింటే.. తిన్న తర్వాత బ్రష్ చేయండి. లేదా నీళ్లతో నోరు పుక్కిలించండి. వీలైతే చక్కెర లేనివి ఎంచుకోండి.
టీ-కాఫీ తాగిన తర్వాత నీళ్లు తాగండి
వేసవిలో ఎక్కువగా కాఫీ, టీ తాగడం వల్ల నోరు ఎండిపోతుంది. దంతాలపై మరకలు ఏర్పడతాయి. మీరు కాఫీ, టీ తాగితే తర్వాత నీళ్లతో నోరు శుభ్రం చేసుకోండి. ఇది చాలా మంచిది. శరీరం, నోరు రెండూ ఆరోగ్యంగా ఉంటాయి.
ఇవి గుర్తుంచుకోండి
* రోజుకు రెండుసార్లు బ్రష్ చేయండి. ఉదయం, రాత్రి బ్రష్ చేయడం వల్ల దంతాల మధ్య చిక్కుకున్న ఆహార కణాలను తొలగించవచ్చు.
* బ్రష్ చేసిన తర్వాత మౌత్వాష్ వాడండి. ఇది దుర్వాసనను తొలగిస్తుంది.
* ప్రతి ఆరు నెలలకు ఒకసారి దంతవైద్యుడిని సంప్రదించండి. ఇది దంత సమస్యలను సకాలంలో గుర్తించి, చికిత్స పొందడానికి సహాయపడుతుంది.
ఈ సులభమైన చిట్కాలను పాటిస్తే మీ దంతాలను ఆరోగ్యంగా ఉంచుకోవచ్చు. ఆరోగ్యకరమైన దంతాలు మీ చిరునవ్వును అందంగా మార్చడమే కాకుండా.. మీ మొత్తం ఆరోగ్యానికి కూడా సహాయపడతాయి.
గమనిక:
ఈ సమాచారం సాధారణ అవగాహన కోసం మాత్రమే. మరింత సమాచారం కోసం నిపుణులను సంప్రదించడం మంచిది.