Weight Loss: మార్కెట్లోకి బరువు తగ్గించే ఇంజెక్షన్ , వాడటం వల్ల నష్టాలేంటి?

వెగోవీ బరువు తగ్గించే ఇంజెక్షన్ ఇండియాలో లాంచ్ అయ్యింది. దీని వల్ల కలిగే ప్రయోజనాలు, దుష్ప్రభావాలు, ఎవరు వాడొచ్చు, డాక్టర్ సలహా ఎందుకు ముఖ్యమో తెలుసుకోండి.

బరువు తగ్గించే మందు: బరువు తగ్గాలనుకునే వాళ్లకి శుభవార్త. డెన్మార్క్ కంపెనీ నోవో నార్డిస్క్ తాాజాగా వెగోవీ (సెమగ్లూటైడ్) అనే బరువు తగ్గించే మందుని ఇండియాలో లాంచ్ చేసింది. ఈ ఇంజెక్షన్ ఎవరు వాడొచ్చు, దాని ప్రయోజనాలేంటి అనేది చాలా మందికి సందేహాలు ఉన్నాయి. మార్కెట్లో బరువు తగ్గడానికి చాలా ప్రోడక్ట్స్ ఉన్నాయి. అధికారికంగా బరువు తగ్గించే మందు రావడం మంచిదే అనే అభిప్రాయాలు వ్యక్తమౌతున్నాయి.  మరి,  ఈ వెగోవీ గురించి మరిన్ని వివరాలు తెలుసుకుందాం.

ఇండియాలో బరువు తగ్గించే మందు లాంచ్

మౌంజారో తర్వాత వెగోవీ ఇండియాలో లాంచ్ అయ్యింది. ప్రపంచవ్యాప్తంగా బరువు సమస్యగా ఉంది. కొత్త మందు రావడం ఉపశమనం కలిగిస్తుంది. ఇండియాలో 25.4 కోట్ల మందికి బరువు సమస్య ఉంది. 35 కోట్ల మందికి పొట్ట చుట్టూ కొవ్వు ఉంది. బరువు తగ్గించే మార్కెట్ 576 కోట్ల రూపాయలకి చేరింది.

టైప్ 2 డయాబెటిస్ లో వెగోవీ

వెగోవీని టైప్ 2 డయాబెటిస్ కి కూడా వాడతారు. ఈ ఇంజెక్షన్ ఆకలి, ఇన్సులిన్ లెవెల్స్ ని కంట్రోల్ చేస్తుంది. వారానికి ఒకసారి ఇంజెక్షన్ తీసుకుంటే ఆకలి, ఇన్సులిన్ లెవెల్స్ కంట్రోల్ లో ఉంటాయి. తక్కువ తింటారు, బ్లడ్ షుగర్ తగ్గుతుంది, కొవ్వు కరుగుతుంది. దీనివల్ల బరువు తగ్గుతారు.

ఎవరు వాడొచ్చు?

డయాబెటిస్ ఉన్నవాళ్ళు, డెలివరీ తర్వాత బరువు పెరిగిన స్త్రీలు, PCOS ఉన్న స్త్రీలు వాడొచ్చు. డాక్టర్ సలహాతో వాడితే మంచిది. బరువు వల్ల ఇన్ఫెర్టిలిటీ, క్యాన్సర్, డయాబెటిస్ వచ్చే ప్రమాదం ఉంది. వెగోవీ ఆకలిని పెంచే మెదడు భాగాలని కంట్రోల్ చేస్తుంది. బ్లడ్ షుగర్ కంట్రోల్ లో ఉంటుంది. జీర్ణక్రియ నెమ్మదిగా జరుగుతుంది. దీనివల్ల తక్కువ తింటారు.

వెగోవీ వల్ల తగ్గే వ్యాధులు

ఈ మందు వాడితే బరువు, గుండె సంబంధిత సమస్యలు తగ్గుతాయి. 12 ఏళ్ళు పైబడిన వాళ్ళు వాడొచ్చు.

దుష్ప్రభావాలు

వెగోవీ వల్ల కొన్ని దుష్ప్రభావాలు ఉండొచ్చు. ప్యాంక్రియాటైటిస్, వాంతులు, హైపోగ్లైసీమియా, కడుపు సమస్యలు, కిడ్నీ సమస్యలు, మొహం, గొంతులో మంట, డిప్రెషన్ వంటివి రావొచ్చు.  గ్యాస్, తేన్పులు వంటివి సాధారణం. డాక్టర్ సలహాతో మందు వాడుతూ దుష్ప్రభావాలు ఉంటే డాక్టర్ కి చెప్పాలి.