Cucumber Seeds: మహిళలు కీర దోసకాయ గింజలు తింటే ఏమౌతుంది?

కీర దోసకాయ గింజల్లో మన శరీరానికి అసవరం అయ్యే విటమిన్లు, ఖనిజాలు, ఫైబర్, యాంటీ ఆక్సిడెంట్స్, ఆరోగ్యకరమైన కొవ్వులు, ఇతర పోషకాలు పుష్కలంగా ఉంటాయి.

కీర దోసకాయ గింజలు..

ఆరోగ్యంగా ఉండాలని కోరుకోనివారు ఎవరైనా ఉంటారా? అలా ఆరోగ్యంగా ఉండాలి అంటే... మనం తీసుకునే ఆహారం కూడా ఆరోగ్యంగా ఉండాలి. ఇటీవలి కాలంలో ఆరోగ్యాన్ని మెరుగుపరిచే అలవాట్లలో భాగంగా చాలా మంది పొద్దుతిరుగుడు, గుమ్మడికాయ, అవిసెగింజలు లాంటి వాటిని తమ ఆహారంలో భాగం చేసుకుంటున్నారు. కానీ.. వీటితో పాటు సమానంగా పోషక విలువలు ఉన్న కీర దోసకాయ గింజలను మాత్రం చాలా మంది పట్టించుకోరు. కానీ, మీకు తెలియని నిజం ఏంటి అంటే..? ఈ చిన్న గింజల్లో అద్భుతమైన ఆరోగ్య రహస్యాలు దాగి ఉన్నాయి. ప్రత్యేకంగా మహిళల ఆరోగ్య పరిరక్షణలో కీరదోస గింజలు కీలక పాత్ర పోషిస్తాయి.

కీర దోస గింజల్లో పోషకాలు...

కీర దోసకాయ గింజల్లో మన శరీరానికి అసవరం అయ్యే విటమిన్లు, ఖనిజాలు, ఫైబర్, యాంటీ ఆక్సిడెంట్స్, ఆరోగ్యకరమైన కొవ్వులు, ఇతర పోషకాలు పుష్కలంగా ఉంటాయి. అంతేకాదు.. ఈ గింజల్లో విటమిన్ సి, విటమిన్ ఇ, విటమిన్ బి సమృద్ధిగా ఉంటాయి. ఇవన్నీ.. మన చర్మ ఆరోగ్యాన్ని మెరుగుపరచడంలో సహాయపడతాయి. అంతేకాదు.. ఈ గింజల్లో ఉండే మెగ్నీషియం, పొటాషియం, ఫైబర్ లాంటివి గుండె ఆరోగ్యాన్ని కాపాడతాయి. రక్తపోటు నియంత్రించడంతో పాటు.. గుండె సంబంధిత వ్యాధుల ప్రమాదాన్ని తగ్గిస్తాయి. అంతేకాదు.. వయసు రీత్యా వచ్చే చాలా రకాల సమస్యలను తగ్గించడంలో ఇవి కూడా సహాయపడతాయి.

కీరదోస కాయ గింజలు తీసుకోవడం వల్ల కలిగే లాభాలను ఫార్మ్ ఈజీ ( PharmEasy) లో డాక్టర్ ప్రాచీ వివరించారు.

బరువు తగ్గించే కీర దోసకాయ గింజలు..

ముఖ్యంగా, బరువు తగ్గాలనుకునే మహిళలకు ఇవి చాలా బాగా సహాయపడతాదయి. ఈ విత్తనాలను తినడం వల్ల శరీరానికి కావలసిన ఫైబర్‌ లభిస్తుంది. దీని వల్ల ఎక్కువసేపు కడుపు నిండుగా అనిపిస్తుంది. ఫలితంగా తొందరగా ఆకలి అవ్వదు. ఇది ఊబకాయం నివారణలో సహాయపడుతుంది.

జుట్టు ఆరోగ్యం..

అంతేకాకుండా, జుట్టు సమస్యలతో బాధపడే వారికి ఇది వరంగా మారుతుంది. దీనిలోని విటమిన్ బి జుట్టు కుదుళ్లను బలోపేతం చేసి జుట్టు రాలడాన్ని తగ్గిస్తుంది. అలాగే, పేగుల ఆరోగ్యాన్ని మెరుగుపరచడంలో ఇందులో ఉన్న ఫైబర్ కీలక పాత్ర పోషిస్తుంది. మహిళల్లో సాధారణంగా ఎక్కువగా కనిపించే మలబద్ధకం వంటి సమస్యల నుండి ఉపశమనం పొందటానికి ఇది సహాయపడుతుంది.

ఎంత మోతాదులో తీసుకోవాలి..?

ఈ గింజలను నిత్యం ఒక చెంచా మోతాదులో తినడం ఉత్తమం. మీరు వీటిని పచ్చిగా, నెయ్యితో స్వల్పంగా కాల్చి లేదా ఓట్‌మీల్, స్మూతీ, సలాడ్‌లలో చేర్చుకొని తినవచ్చు. అయితే, ఏ ఆహారమైనా మితంగా తీసుకున్నప్పుడే దాని ప్రయోజనం కలుగుతుంది. 'అధికంగా తీసుకుంటే అమృతం కూడా విషమే' అనే సామెతను గుర్తు పెట్టుకోవాలి. రోజూ చిన్న మోతాదులో తీసుకుంటే, శరీరానికి కావలసిన అన్ని పోషకాలూ ఈ చిన్న విత్తనాల ద్వారానే అందించవచ్చు. రోజూ మర్చిపోకుండా వీటిని తీసుకుంటే.. మీ ఆరోగ్యం కచ్చితంగా మెరుగుపడుతుంది.