పెళ్లైన ఆడవారు ఖచ్చితంగా నుదిటిన బొట్టును ఖచ్చితంగా పెట్టుకుంటారు. ఇది వారు అందంగా కనిపించేలా చేయడంతో పాటుగా ఎన్నో ఆరోగ్య ప్రయోజనాలను కూడా కలిగిస్తుందంటున్నారు ఆరోగ్య నిపుణులు.
చాలా మంది బొట్టును జస్ట్ ఒక అలంకారంగానే చూస్తారు. కానీ ఇది హిందూ సంస్కృతిలో ఒక ముఖ్యమైన భాగం. ముఖ్యంగా పెళ్లైన ఆడవారి నుదిటిన ఖచ్చితంగా బొట్టు ఉండాలని పెద్దలు చెప్తారు. సాధారణంగా బొట్టును కనుబొమ్మల మధ్య పెట్టుకుంటారు. బొట్టు పెట్టుకోవడం కేవలం అందం కోసమో, లేకపోతే పెళ్లైందని తెలియడానికి మాత్రమే కాదు.. ఇది ఆడవారికి ఆరోగ్యంగా ఉంచడానికి కూడా సహాయపడుతుంది తెలుసా? అసలు బొట్టు పెట్టుకోవడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం పదండి.
ఆడవాళ్లు నుదిటిన బొట్టు పెట్టుకోవడం వల్ల కలిగే ఆరోగ్య ప్రయోజనాలు
తలనొప్పి తగ్గుతుంది:
ఆక్యుపంక్చర్ ప్రకారం.. కనుబొమ్మల మధ్య బొట్టు పెట్టుకోవడం వల్ల తలనొప్పి వెంటనే తగ్గుతుంది. ఎందుకంటే ఈ ప్లేస్ లో ఒక నిర్దిష్ట బిందువు ఉంటుంది. దీన్ని మసాజ్ చేయడం వల్ల తలనొప్పి తగ్గుతుంది. అందుకే నుదిటిన రోజూ బొట్టు పెట్టుకోవడం మంచిదని అంటారు.
నిద్రలేమి సమస్య తగ్గుతుంది:
నిద్రలేమి సమస్యను తగ్గించడానికి కూడా ఇది సహాయపడుతుందని నిపుణులు అంటున్నారు. నుదిటిన బొట్టు పెట్టుకుంటే రాత్రిళ్లు ప్రశాంతంగా నిద్రపడుతుందట. కనుబొమ్మల మధ్య బొట్టు పెట్టుకోవడం వల్ల మనసు ప్రశాంతంగా ఉంటుంది. అలాగే ముఖం, మెడ, శరీరం మొత్తం, కండరాలు కూడా సడలిస్తాయి. దీనివల్ల రాత్రిళ్లు ప్రశాంతంగా నిద్రపడుతుంది.
సైనస్ సమస్య తగ్గుతుంది:
బొట్టు సైనస్ సమస్యను తగ్గించడానికి కూడా సహాయపడుతుంది. బొట్టు పెట్టుకోవడం వల్ల ముక్కు, దాని చుట్టూ ఉన్న ప్రాంతాలు ఉత్తేజితమవుతాయి. అలాగే అక్కడ రక్త ప్రసరణ పెరుగుతుంది. దీంతో సైనస్ సమస్య తగ్గిపోతుంది. ముఖం వాపు ఉన్నా వెంటనే తగ్గిపోతుంది.
మనసును ప్రశాంతపరుస్తుంది:
బొట్టు పెట్టుకునే ప్రాంతాన్ని రోజూ మసాజ్ చేస్తే నరాలు సడలిస్తాయి. దీంతో మీ శరీరం, మనసు రెండూ ప్రశాంతంగా ఉంటాయి. మీరు ఒత్తిడికి గురైనప్పుడు ఈ ప్రాంతాన్ని మెల్లగా మసాజ్ చేయండి. ఒత్తిడి తగ్గుముఖం పడుతుంది.
చిన్నగా కనిపించొచ్చు:
నుదిటిన బొట్టు పెట్టుకోవడం వల్ల మీరు అందంగా కనిపించడమే కాకుండా మీ ముఖం చిన్నగా కూడా కనిపిస్తుంది. అలాగే బొట్టు పెట్టుకోవడం వల్ల మీ కండరాలు ఉత్తేజితమవుతాయి. రక్త ప్రసరణ మెరుగుపడుతుంది.దీంతో ముఖంపై ముడతలు తగ్గి మీరు మరింత కాంతివంతంగా కనిపిస్తారు.
చూపు మెరుగుపడుతుంది:
కనుబొమ్మల మధ్య బొట్టు పెట్టుకోవడం వల్ల ఆ ప్రదేశంలో ఉన్న ఒక నరం కంటి నరానికి అనుసంధానించబడి ఉంటుంది. బొట్టు పెట్టుకోవడం వల్ల ఈ నరం ఉత్తేజితమవుతుంది. దీంతో మీ చూపు మెరుగుపడుతుంది. కంటికి సంబంధించిన సమస్యలు కూడా తగ్గిపోతాయి. మీ కళ్లు ఆరోగ్యంగా ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి