Weather Update : గత నాలుగైదు రోజులుగా వర్షాలు పూర్తిగా ముఖం చాటేశాయి… ఎండలు మండిపోతున్నాయి. దీంతో తీవ్ర ఆందోళనకు గురవుతున్న తెలుగు ప్రజలు తెలంగాణ వెదర్ మ్యాన్ చల్లని కబురు చెప్పారు.
Rain Alert : నైరుతి రుతుపవనాలు తెలుగు రాష్ట్రాల్లోకి ప్రవేశించి నెలరోజులకు పైనే అవుతోంది... అయినా ఇప్పటివరకు చాలాచోట్ల వర్షాల జాడేలేదు. సాధారణంగా జూలైలో నడి వర్షాకాలం ఉంటుంది... అంటే కుండపోత వానలతో వరద పరిస్థితులు ఉండాలి... కానీ ప్రస్తుతం ఎక్కడా అలాంటి పరిస్థితి లేదు. ఎల్ నినో ప్రభావంతో మేఘాలు ముఖం చాటేశాయి... చివరకు వర్షాల కోసం ప్రజలు కప్పల పెళ్లిల్లు, పూజలు చేసే పరిస్థితి నెలకొంది. ముఖ్యంగా పల్లెటూళ్లలో రైతులు వానచినుకుల కోసం ఆకాశం వైపు చూస్తూ ఎదరుచూడాల్సిన పరిస్థితి వచ్చింది.
ఈనెల (జూలై) ఆరంభంలో పరిస్థితి కాస్త నయం... అడపాదడపా వర్షాలు కురిశాయి. కానీ రోజులు గడుస్తున్నకొద్ది పరిస్థితి దారుణంగా తయారయ్యింది... గత నాలుగైదు రోజులుగా అయితే వేసవికాలం తరహాలో ఎండలు, ఉక్కపోత ప్రజలను ఉక్కిరిబిక్కిరి చేస్తున్నాయి. అసలు ఇది వర్షాకాలమా లేక వేసవికాలమా అనేలా ఉష్ణోగ్రతలు నమోదవుతున్నాయి. దీంతో వర్షాలపై ఆశలు వదులుకొన్నారు తెలుగు ప్రజలు. ఇలాంటి సమయంలో తెలంగాణ వెదర్ మ్యాన్ తీపికబురు చెప్పారు... వర్షాలు మళ్ళీ షురూ కాబోతున్నాయని ప్రకటించారు.
24
జూలై 15 నుండి వర్షాలు షురూ..
తెలంగాణలో రేపటి (జూలై 15, బుధవారం) నుండి మళ్లీ వర్షాలు మొదలవుతాయని వెదర్ మ్యాన్ ప్రకటించారు. ప్రస్తుతం ఎండాకాలంలో మాదిరిగా అత్యధిక ఉష్ణోగ్రతలు నమోదవుతున్న విషయం తెలిసిందే... ఈ వాతావరణ పరిస్థితులు పూర్తిగా మారిపోబోతున్నాయని తెలిపారు. రుతుపవనాలు యాక్టివ్ గా మారి అక్కడక్కడ వర్షాలు కురిపిస్తాయని అంచనా వేస్తున్నారు. ముఖ్యంగా ఉత్తర, పశ్చిమ తెలంగాణ జిల్లాల్లో వర్షాలు కురిసే అవకాశాలు తెలంగాణ వెదర్ మ్యాన్ వెల్లడించారు.
ఇలా జూలై 15న మొదలయ్యే వర్షాలు జూలై 16న (గురువారం) మరింత జోరందుకుంటాయని వెదర్ మ్యాన్ తెలిపారు. ఇలా రాష్ట్రవ్యాప్తంగా వర్షాలు విస్తరించి జూలై 19 వరకు కొనసాగుతాయని అంచనా వేస్తున్నారు. మొత్తంగా ఉత్తర, పశ్చిమ, తూర్పు తెలంగాణ జిల్లాల్లో జూలై 16-19 వరకు మోస్తరు వర్షాలు కురిసే అవకాశాలున్నాయని వెదర్ మ్యాన్ ప్రకటించారు. హైదరాబాద్ లో కూడా ఆకాశం మేఘాలతో కమ్మేసి చల్లని వాతావరణం ఉంటుందని... అక్కడక్కడ వర్షాలు కురుస్తాయంటూ చల్లనికబురు చెప్పారు.
SCATTERED RAINS AHEAD IN TELANGANA DURING JULY 16-19 ⛈️
Something is better than nothing
Well, today, July 14 will remain mostly dry in entire Telangana and INTENSE HEAT to continue in entire Telangana including Hyderabad City
CHANGE IN CONDITIONS FROM JULY 15
From tomorrow,…
— Telangana Weatherman (@balaji25_t) July 14, 2026
34
వాతావరణ శాఖ అంచనాలేంటి?
వాతావరణ నిపుణులు తెలంగాణ వెదర్ మ్యాన్ చెప్పినట్లే వాతావరణ శాఖ కూడా రాష్ట్రంలో వర్షాలు కురుస్తాయంటోంది... అయితే ఈ వర్షాలకు ఈదురుగాలులు తోడవుతాయని చెబుతోంది. ఇవాళ, రేపు (జూలై 14,15) ఆదిలాబాద్, కొమ్రంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి జిల్లాల్లో గంటకు 40-50 కిలోమీటర్ల వేగంగా గాలులు వీచే అవకాశం ఉందని... మిగిలిన జిల్లాల్లో గంటకు 30-40 కిలోమీటర్ల వేగంతో గాలులు వీస్తాయని హైదరాబాద్ వాతావరణ కేంద్రం తెలిపింది. అక్కడక్కడ తేలికపాటి నుండి మోస్తరు వర్షాలు కురిసే అవకాశాలు ఉన్నాయని వాతావరణ కేంద్రం కూడా అంచనా వేస్తోంది.
1200 यूटीसी पर आधारित तेलंगाना का 7-दिवसीय पूर्वानुमान (रात) और शाम का अनुमान 2030 बजे IST पर जारी किया गया /7-day forecast(NIGHT) and Evening Inference of TELANGANA based on 1200 UTC issued at 2030 hours IST Dated :13-07-2026 pic.twitter.com/pUKTUh1HJ3
— Meteorological Centre, Hyderabad (@metcentrehyd) July 13, 2026
తెలంగాణలో గత నాలుగైదు రోజులుగా ఎండల తీవ్రత ఎక్కువగా ఉంది... ఇవాళ (జూలై 14న) కూడా ఇదే పరిస్థితి ఉంటుందని వెదర్ మ్యాన్ తెలిపారు. రాజధాని హైదరాబాద్ తో సహా రాష్ట్రవ్యాప్తంగా అత్యధిక ఉష్ణోగ్రతలు నమోదవుతాయని తెలిపింది. కొన్ని జిల్లాల్లో అయితే మండు వేసవిలో మాదిరిగా ఏకంగా 40 డిగ్రీల ఉష్ణోగ్రతలు కూడా నమోదయ్యే అవకాశాలున్నాయని తెలంగాణ వెదర్ మ్యాన్ హెచ్చరించారు. కాబట్టి ప్రజలు అప్రమత్తంగా ఉండాలని సూచించారు.
ఇక నిన్న (జూలై 13, సోమవారం) నల్గొండలో 37 డిగ్రీల అత్యధిక ఉష్ణోగ్రతలు నమోదయ్యాయి. ఖమ్మం 36.8, భద్రాచలం 36.4, మహబూబ్ నగర్, మెదక్ జిల్లాల్లో 36.6, హన్మకొండలో 35.5, నిజామాబాద్ లో 35.4 డిగ్రీల హయ్యెస్ట్ టెంపరేచర్స్ నమోదయ్యాయి. ఇక హైదరాబాద్ లో కూడా వేసవి తరహాలో ఎండలు మండిపోయాయి... అత్యధికంగా హకీంపేటలో 35.2 డిగ్రీల ఉష్ణోగ్రత నమోదయ్యింది. చాలా ప్రాంతాల్లో 35 డిగ్రీలకు పైగానే టెంపరేచర్స్ నమోదయ్యాయి… వర్షాకాలంలో వేసవి తరహా వేడి నగరవాసులను ఉక్కిరిబిక్కిరి చేసింది.
