చాణక్యుడు మగవారు ఇతరులతో పొరపాటున కూడా ఇతరులతో చెప్పకూడని విషయాల గురించి చెబితే వాటి కారణంగా సంభవించే కీడు (Harm) గురించి చక్కగా వివరించడం జరిగింది. ఏ విషయాలను గోప్యంగా (Confidentiality) ఉంచాలనే వాటి రహస్యాల గురించి ఇప్పుడు మనం తెలుసుకుందాం..
మొట్టమొదటిది: అందరి జీవితంలో ఆర్థిక పరమైన సమస్యలు ఎదురవడం సర్వసాధారణం (Ubiquitous). ఎంత గొప్ప స్థానంలో ఉన్న ఎప్పుడో ఒకసారి అందరూ ఆర్థిక సమస్యలను (Financial problem) ఎదుర్కొంటుంటారు. ఇలా ఆర్థిక సమస్యలు వచ్చినప్పుడు, అనేక కారణాల చేత వ్యాపారంలో డబ్బులు పోగొట్టుకున్నప్పుడు ఇలాంటి సమస్యల గురించి ఎవరికీ చెప్పకూడదు.
కాబట్టి మనకు ఆర్థిక సమస్యలు ఉన్నా ఎటువంటి కారణాల చేత నష్టపోయిన ఇలాంటి విషయాల గురించి ఇతరులతో చర్చించడం మంచిది కాదు. ఆర్థిక కష్టాల గురించి ఇతరులతో చెబితే వారు మనపై సానుభూతిని (Sympathy), బాధను (Suffering) వ్యక్తపరుస్తారు. మనం ఆర్థికంగా కష్టాలలో ఉన్నామని మనతో దూరంగా ఉంటారు. పైగా ధనసహాయం ఎవ్వరూ చేయరు కాబట్టి ఇలాంటి విషయాలను ఎదుటివారితో చెప్పకపోవడమే మంచిది.
రెండవది: ఆరోగ్య సమస్యల (Health problems) గురించి, మీకు బాధ కలిగించే విషయాల (Painful Things) గురించి ఇతరులతో చెప్పకపోవడమే మంచిది. ఒకవేళ చెబితే మీ ఆరోగ్య సమస్యల గురించి అందరితో చెప్పి మిమ్మల్ని నలుగురిలో కించపరచడానికి ప్రయత్నిస్తారు. ఇలా జరగడంతో సమాజంలో మీ గౌరవమర్యాదలు తగ్గిపోతాయి. మీ ఆరోగ్య సమస్యలను, బాధలను తెలుసుకుని ఎదుటి వారు సంతోషించే అవకాశాలు కూడా ఉంటాయి. కాబట్టి ఇలాంటి విషయాలను ఎవరితో చెప్పకపోవడమే మంచిది.
మూడవది: మగవారు తన భార్య గురించి, భార్యలోని లోపాలను (Errors), రహస్యాలను (Secrets) ఇతరులతో అసలు చెప్పరాదు. భార్యతో గొడవపడిన సందర్భాల గురించి భార్య ప్రవర్తన గురించి పొరపాటున కూడా మూడో వ్యక్తికి తెలియపరచడం మంచిది కాదు. ఒకవేళ చెబితే మిమ్మల్ని సమాజం చులకనగా చూస్తుంది. మీ భార్య యొక్క రహస్యాలను, మీ వివాహ బంధంలోని విషయాలను తెలుసుకొని భవిష్యత్తులో మీ బంధం విడిపోవడానికి ఇతరులు కారణం అవుతారు. భార్యాభర్తల మధ్య ఉండే గొడవలను ఇతరులతో చర్చించడం మంచిది కాదు.
నాలుగవది: మీ జీవితంలో మీకు ఎదురైన అవమానాల (Insults) గురించి ఇతరులతో అస్సలు చెప్పకండి. ఒకవేళ చెబితే ఇతరుల దృష్టిలో మీరు చులకన అయిపోతారు. మీకు జరిగిన అవమానాల గురించి నలుగురితో చెబుతూ మిమ్మల్ని కించపరిచే (Degrading) అవకాశం ఉంటుంది. మీకు జరిగిన అవమానాలగురించి మరింత చెడ్డగా ఇతరులకు చెప్పి మిమ్మల్ని చులకన చేస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి