Parenting tips: ఏ వయసు పిల్లలకి ఎలాంటి ఫుడ్ పెడితే మంచిదో తెలుసా?

పిల్లల వయసు, ఎదుగుదలకి తగ్గట్టుగా ఆహారం మారుతుంది. ప్రతి దశలో వాళ్లకి కావాల్సిన పోషకాలు వేరుగా ఉంటాయి. పిల్లల వయసు దానికి తగిన ఆహారపు అలవాట్ల గురించి ఇక్కడ తెలుసుకుందాం.

0-6, 6-12 నెలల పిల్లలు

ఈ వయసు పిల్లలకి తల్లిపాలు చాలు. తల్లిపాలలో పిల్లలకి కావాల్సిన పోషకాలు సరైన మోతాదులో ఉంటాయి. తల్లిపాలు లేకపోతే.. డాక్టర్ సలహాతో ఫార్ములా పాలు ఇవ్వచ్చు. 6 నెలలు దాటిన పిల్లలకు తల్లిపాలతో పాటు, మెత్తగా చేసిన ఆహారం ఇవ్వచ్చు. ఉడికించిన కూరగాయలు, పండ్లు, అన్నం వంటివి పెట్టచ్చు.

1-3, 3-5 ఏళ్ల పిల్లలు

1 నుంచి 3 ఏళ్ల పిల్లలకు పోషకాలున్న ఆహారం ఇవ్వాలి. ధాన్యాలు, కూరగాయలు, పండ్లు, పప్పులు, గుడ్లు, మాంసం లాంటివి ఆహారంలో చేర్చాలి. 3 నుంచి 5 ఏళ్ల పిల్లలు స్కూల్‌కి వెళ్తారు. కాబట్టి వారికి రోజంతా కావాల్సిన శక్తి, పోషకాలు అందించే ఆహారాన్ని ఇవ్వాలి. ఉదయం, మధ్యాహ్నం, రాత్రి భోజనం సరైన సమయంలో ఇవ్వాలి. జంక్ ఫుడ్ కాకుండా పండ్లు, కూరగాయలు లేదా డ్రై ఫ్రూట్స్ ఇవ్వచ్చు.

5 ఏళ్లు దాటిన పిల్లలు

ఈ వయసులో పిల్లలు పెద్దవారిలాగే తినచ్చు. పెద్దవాళ్లు తినే ఆహారాన్ని పిల్లలకి ఇవ్వచ్చు. కానీ, పోషకాలున్న ఆహారం ఇవ్వాలి. స్వీట్స్, జంక్ ఫుడ్, కూల్ డ్రింక్స్ ఇవ్వకూడదు. చిన్నప్పటి నుంచే మంచి ఆహారపు అలవాట్లు నేర్పించాలి.

పోషకాలతో కూడిన ఆహారం

పిల్లలకి నీళ్లు బాగా ఇవ్వాలి. ఆహారం నెమ్మదిగా, బాగా నమిలి తినమని చెప్పాలి. పిల్లలకి ఇష్టమైన ఆహారాన్ని పోషకాలతో నిండి ఉండేలా చూసుకోవాలి. అన్ని రకాల ఆహారాలు తినేలా చూడాలి. ‘నాకిష్టం లేదు’ అని ఏ ఆహారాన్నీ ద్వేషించేలా నేర్పించకూడదు. పిల్లలు ద్వేషించే ఆహారాన్ని మీరు తిని.. వారు తినేలా ప్రోత్సహించాలి. 

ఇది గుర్తుంచుకోండి!

పిల్లల ఆహారం గురించి పైన చెప్పిన విషయాలు సాధారణ సూచనలు మాత్రమే. ప్రతి పిల్లలకి ఇది వేరుగా ఉండచ్చు. పిల్లల ఎదుగుదల, ఆరోగ్యం గురించి ఏమైనా సందేహాలు ఉంటే డాక్టర్‌ సలహా తీసుకోవడం మంచిది.