Condom: భార‌త్‌లో ప్ర‌తీ నెల‌ 10 కోట్ల కండోమ్స్ తయారవుతున్నాయి.. ఇవ‌న్నీ ఎవ‌రు వాడుతున్నారంటే

భారతదేశం ప్రపంచంలో కండోమ్‌ల తయారీ, ఎగుమతుల్లో ప్రముఖ స్థానాన్ని సంపాదించింది. దేశంలోని పలు నగరాల్లో కండోమ్ ఉత్పత్తి కేంద్రాలు ఉన్నాయి. కండోమ్‌ల త‌యారీకి సంబంధించిన పలు ఆస‌క్తిక‌ర విష‌యాలు ఇప్పుడు తెలుసుకుందాం. 

ఔరంగాబాద్‌ – కండోమ్‌ల ప్రధాన కేంద్రం

భారతదేశంలో 10 కండోమ్ తయారీ కంపెనీలలో ఆరు కంపెనీలు ఔరంగాబాద్‌లోనే పనిచేస్తున్నాయి. ఈ కంపెనీలు ప్రతి నెలా సుమారు 10 కోట్ల కండోమ్‌లను ఉత్పత్తి చేస్తున్నాయి. ఇక్కడి నుంచి ప్రపంచంలోని 36 దేశాలకు కండోమ్‌లు ఎగుమతి అవుతాయి. వార్షిక టర్నోవర్ 300 నుంచి 400 కోట్ల రూపాయల మధ్య ఉండగా, ఈ రంగంలో దాదాపు 30,000 మందికి ఉద్యోగావకాశాలు లభిస్తున్నాయి.

DID YOU KNOW ?

10 కోట్ల కండోమ్‌లు, 36 దేశాల‌కు

ఔరంగాబాద్‌లోని 6 ప్రధాన కండోమ్ కంపెనీలు ప్రతినెలా 10 కోట్ల కండోమ్లను తయారీ చేసి, ప్రపంచంలోని 36 దేశాలకు ఎగుమతి చేస్తున్నాయి.

ప్రధానంగా ఎగుమతి అయ్యే దేశాలు

భారతదేశం తయారు చేసే కండోమ్‌లకు అమెరికా, పాకిస్తాన్, ఆఫ్రికా, యూరప్, లాటిన్ అమెరికా వంటి ప్రాంతాల్లో అధిక డిమాండ్ ఉంది. ముఖ్యంగా పాకిస్తాన్‌కు భారత్ నుంచి విస్తృతంగా సరఫరా జరుగుతుంది. ఒక్క‌ 2023 ఏడాదిలోనే భారత్ నుంచి పాకిస్తాన్‌కు 63 కన్సైన్‌మెంట్‌ల కండోమ్‌లు ఎగుమ‌తి అయ్యాయి.

10 కోట్ల కండోమ్‌లు, 36 దేశాల‌కు

ఔరంగాబాద్‌లోని 6 ప్రధాన కండోమ్ కంపెనీలు ప్రతినెలా 10 కోట్ల కండోమ్లను తయారీ చేసి, ప్రపంచంలోని 36 దేశాలకు ఎగుమతి చేస్తున్నాయి.

చైనా, మాల్దీవుల్లో పెరుగుతున్న మార్కెట్

చైనా ప్రపంచంలోనే అత్యధిక జనాభా కలిగిన దేశం కావడంతో, అక్కడ కండోమ్‌లకు విస్తృత మార్కెట్ ఉంది. భారతదేశం నుంచి చైనా, మాల్దీవులు వంటి దేశాలకు కూడా గణనీయమైన ఎగుమతి జరుగుతోంది. ఈ దేశాలు జనాభా నియంత్రణకు కండోమ్‌ల వినియోగాన్ని ప్రోత్సహిస్తున్నాయి.

జనాభా నియంత్రణలో కీలక పాత్ర

అనవసర గర్భధారణలను నివారించడం, జనాభా పెరుగుదలపై నియంత్రణ సాధించడం వంటి కారణాల వల్ల కండోమ్‌ల వినియోగం ప్రపంచవ్యాప్తంగా పెరుగుతోంది. భారతదేశం ఉత్పత్తి చేసే నాణ్యమైన కండోమ్‌లు తక్కువ ధరలో లభించడం వల్ల అంతర్జాతీయ మార్కెట్లలో మంచి గుర్తింపు పొందాయి.