భార్యకు తెలియకుండా అక్రమ సంబంధం కొనసాగించేందుకు మాలింగప్ప తీవ్ర చర్యలకు దిగాడని కాంచన చెబుతోంది. రాత్రి సమయంలో భార్యకు బలవంతంగా నిద్ర మాత్రలు ఇచ్చి ఆమెను నిద్రపోయేలా చేసి, తరువాత ఎదురింటి మహిళను ఇంటికి పిలిపించుకునేవాడని ఆమె ఆరోపించింది. ఇది మాత్రమే కాకుండా భార్యకు అనుమానం వస్తే ఆమెపై దాడి చేసి వేధించేవాడని కూడా చెబుతోంది. కొట్టడం, బెదిరించడం వంటి వేధింపులు తరచూ జరిగేవని కాంచన పోలీసులకు ఫిర్యాదు చేసింది.
మొబైల్లో చాటింగ్ చూసి భార్యకు షాక్
ఒక రోజు మాలింగప్ప మొబైల్ ఫోన్ చూసిన కాంచనకు అసలు విషయం తెలిసిందని తెలుస్తోంది. అందులో ఎదురింటి మహిళతో చేసిన చాటింగ్, సందేశాలు, ఫోన్ కాల్స్ చూసి ఆమె షాక్కు గురైంది. ఈ విషయాన్ని ప్రశ్నించగానే మాలింగప్ప కోపంతో ఆమెపై దాడి చేశాడని సమాచారం. ఈ సంఘటనల వల్ల తీవ్ర మనస్తాపానికి గురైన కాంచన ఒకసారి ఆత్మహత్యకు కూడా ప్రయత్నించినట్లు కుటుంబ సభ్యులు చెబుతున్నారు.