చల్లని వాతావరణంలో ఎన్నో అనారోగ్య సమస్యలొచ్చే ప్రమాదం ఉంది. దగ్గు, జలుబు, జ్వరం, ఇన్ఫెక్షన్స్ వంటివి వస్తూ ఉంటాయి. అయితే ఈ సీజన్ లో కొన్ని ఆహారాలను తింటే ఇమ్యూనిటీ పవర్ బాగా పెరుగుతుంది. దీంతో అనారోగ్య సమస్యలు తొందరగా తగ్గిపోతాయి.
దేశమంతటా చలి ఊపందుకుంది. ఈ చల్లని గాలులకు ఇండ్ల నుంచి బయటకు రావడానికి కూడా ఆలోచిస్తున్నారు. చలికాలంలో ఇంట్లో వెచ్చగా ఉంటే సరిపోదు. మీ ఒళ్లు కూడా వెచ్చగా ఉండాలి. అందుకే ఈ చలికాలంలో వేడెక్కే సూట్లు, స్వెట్టర్లను ఎక్కువ వేసుకుంటుంటారు. వీటితో పాటుగా కొన్ని రకాల ఆహారాలు కూడా కూడా శరీర ఉష్ణోగ్రతను పెంచేందుకు సహాయపడతాయి. చలికాలంలో పోషకాలను ఎక్కువగా ఉండే ఆహారాలనే ఎక్కువగా తీసుకోవాలి. అప్పుడే మీ శరీరం అన్ని విధాలా ఆరోగ్యంగా ఉంటుంది. నిజానికి చలికాలంలో ఇమ్యూనిటీ పవర్ తగ్గుతుంది. దీనివల్లే ఎన్నో రోగాలొస్తయ్. మన రోగనిరోధక శక్తిని, బాడీ టెంపరేచర్ ను పెంచడానికి కొన్ని రకాల ఆహారాలు ఎంతో సహాయపడతాయి. అవేంటో ఇప్పుడు తెలుసుకుందాం..
బజ్రా
వీటితో రొట్టెలను, ఖిచిడీని చేసుకుని తినొచ్చు. ఈ చిరుధాన్యాలు భారతీయ వంటకాల్లో ముఖ్యంగా రాజస్థాన్ వంటి రాష్ట్రాల్లో ఎక్కువగా ఉపయోగిస్తారు. వీటిలో వేడిచేసే లక్ష్క్షణాలు ఉంటాయి. వీటిలో ఖనిజాలు, ఫైబర్ సమృద్ధిగా ఉంటాయి. కీళ్ల నొప్పులను నివారించడానికి ఇవి ఎంతగానో సహాయపడతాయి. నెయ్యి లేదా మఖన్ తో వీటితో తీసుకోవచ్చు.
బెల్లం, నెయ్యి
బెల్లం, నెయ్యి శీతాకాలపు సూపర్ ఫుడ్ గా ప్రసిద్ది చెందింది. ఎందుకంటే ఇది శరీరాన్ని వెచ్చగా ఉంచుతుంది. అలాగే రోగనిరోధక శక్తిని పెంచడానికి కూడా సహాయపడుతుంది. బెల్లాన్ని నెయ్యితో కలిపి తీసుకుంటే ఎన్నో ఆరోగ్య ప్రయోజనాలను పొందుతారు. దీన్ని చిక్కీ రూపంలో కూడా తీసుకోవచ్చు. నెయ్యితో బెల్లం కలపడం లు సైనస్ లను క్లియర్ అవుతాయి. అలాగే జలుబు చేసే అవకాశం తగ్గుతుంది.
కులిత్
వీటినే హార్స్ గ్రామ్ అని కూడా అంటారు. ఇవి దక్షిణ భారతదేశం అంతటా లభించే శక్తివంతమైన కాయధాన్యాలు లేదా పప్పులు. మూత్రపిండాల్లో రాళ్లను నివారించడానికి ఇవి సహాయపడతాయి. అలాగే శీతాకాలంలో చర్మాన్ని హైడ్రేట్ గా ఉంచుతాయి. నెత్తిమీద పోషణ పొందడానికి సహాయపడతాయి. శీతాకాలంలో అన్నం, నెయ్యితో పప్పు తినాలని ఆరోగ్య నిపుణులు చెబుతున్నారు.
మఖన్/తెల్ల వెన్న
మఖాన్ లేదా తెలుపు రంగులో ఉండే వెన్న కూడా చలికాలంలో మన రోగనిరోధక శక్తిని పెంచడానికి సహాయపడతాయి. ఆరోగ్య నిపుణుల ప్రకారం.. మఖన్ జీర్ణక్రియ పనితీరును మెరుగుపరుస్తుంది. విటమిన్ డి వంటి కొవ్వులో కరిగే విటమిన్లను బాగా గ్రహించేలా చేస్తుంది. అందుకే ఈ సీజన్ మీరు తిననే కూరలపై దీన్ని వేసుకుని తినండి.
నువ్వులు
చలికాలంలో నువ్వులను తింటే ఆరోగ్యానికి ఎంతో మంచి జరుగుతుంది. దీనిలో వార్మింగ్ లక్షణాలు ఉంటాయి. వీటిని తింటే మీ శరీరం వెచ్చగా ఉంటుంది. వీటిని గ్రేవీలపై చల్లుకోవచ్చు లేదా చిక్కీల రూపంలో తీసుకోవచ్చు. నువ్వులు కళ్ళు, చర్మం, ఎముకలకు ఆరోగ్యకరమైనవి.