ప్రెగ్నెన్సీ టైంలో గుడ్లను తినొచ్చా?

ప్రెగ్నెన్సీ సమయంలో గుడ్లను తినొద్దంటే.. ఇంకొంతమంది మాత్రం ఈ సమయంలో గుడ్లను అస్సలు తినకూడదని అంటుంటారు. దీనిపై డాక్టర్లు ఏమంటున్నారో ఇప్పుడు తెలుసుకుందాం..   

గర్భిణీ స్త్రీలు ఆరోగ్యం విషయంలో చాలా జాగ్రత్తగా ఉండాలి. డెలివరీ తర్వాత కంటే డెలివరీకి ముందు ఎక్కువ శ్రద్ధ తీసుకోవాలి. గర్భిణీ స్త్రీలు ఏ తప్పు చేసినా.. అది గర్భంలోని పిండానికి ప్రమాదం కలిగిస్తుంది. గర్భిణీ స్త్రీలకు రకరకాల రుచులను చూడాలన్న కోరికలు పుడుతుంటాయి. కానీ వీళ్లు ఎక్కువగా తినలేరు. అయితే వీళ్లు తినే ఆహారం కూడా గర్భిణీస్త్రీలపై ప్రభావం చూపుతుంది. అది మంచిదైనా.. చెడైనా.. మహిళలు తప్పనిసరిగా తినవలసిన కొన్ని ఆహారాలు ఉన్నాయి. అలాగే కొన్ని తినకూడని ఆహారాలు కూడా ఉన్నాయి. అయితే గర్భిణులు గుడ్లను తినకూడదని కిందరంటే తినాలని మరికొందరు అంటున్నారు. ఈ విషయంలో డాక్టర్లు ఏమంటున్నారో ఇప్పుడు తెలుసుకుందాం.. 

గుడ్లు మన ఆరోగ్యానికి చాలా మంచివి. ఇది అందరికీ తెలిసిన వాస్తవం. అందుకే శాఖాహారులు గుడ్లను రోజూ తినాలని డార్టర్లు సలహానిస్తుంటారు. నిజానికి ప్రెన్నెన్సీ సమయంలో గుడ్లు తినడం వల్ల ఎన్నో ప్రయోజనాలు కలుగుతాయి. గుడ్లలో ప్రోటీన్లతో పాటుగా, విటమిన్ బి 12, ఒమేగా -3 ఫ్యాటీ ఆమ్లాలు, రాగి, మెగ్నీషియం, సెలీనియం వంటి ఎన్నో విటమిన్లు, ఖనిజాలు పుష్కలంగా ఉంటాయి. గర్భిణీ స్త్రీలు గుడ్లును ఎంచక్కా తినొచ్చు. అయితే వీటిని తినేటప్పుడు కొన్ని విషయాలను గుర్తుంచుకోవాలి. 

పచ్చి గుడ్లు తినొద్దు

గర్భిణీ స్త్రీలు పచ్చి గుడ్లను అసలే తినకూడదు. అందుకే గర్భిణులు గుడ్లను వండి వేరే ఆహారంలో చేర్చి తినొచ్చు. ఎందుకంటే ముడి గుడ్లను తింటే గర్భస్రావం అయ్యే ప్రమాదం పెరుగుతుంది. ముడి గుడ్లతో పాటు, గర్భిణీ స్త్రీలు చెడిపోయిన గుడ్లను కూడా తినకూడదు. ఇది గర్భధారణ సమయంలో సంక్రమణ అవకాశాలను పెంచుతుంది.

బయట గుడ్లను తినొద్దు

ఇంటి బయట ఉడకబెట్టిన లేదా గుడ్డు కూరను అసలే తినకూడదు. ఎందుకంటే చాలా చోట్ల గుడ్లను సరిగ్గా ఉడికించరు. ఇది గర్భిణీ స్త్రీల ఆరోగ్యంపై ప్రభావం పడుతుంది. ఇది పిల్లల ఎదుగుదలను దెబ్బతీస్తుంది. అందుకే ఇంట్లో వండిన గుడ్లను మాత్రమే తినండి. 

ఈ సమయంలో గుడ్లు తినండి

ప్రెగ్నెన్సీ సమయంలో గుడ్లను తినాలనిపిస్తే.. మార్నింగ్ బ్రేక్ ఫాస్ట్ లో తినాలి. ఉదయం పూట మెటబాలిజం చాలా ఎక్కువగా ఉంటుంది. కాబట్టి బ్రేక్ ఫాస్ట్ లో గుడ్లు తినడం వల్ల అజీర్థి సమస్య వచ్చే అవకాశం తగ్గుతుంది. ఉదయం గుడ్లను తినడం వల్ల జీర్ణక్రియ సులభతరం అవుతుంది. 

ఎక్కువ గుడ్లను తినొద్దు

కొంతమంది గుడ్లను మరీ ఎక్కువగా తింటుంటారు. ప్రెగ్నెన్సీ సమయంలో గుడ్లను మోతాదుకు మించి తింటే ఎన్నో అనారోగ్య సమస్యలు వస్తాయి. గుడ్లను తినడం వల్ల ఎన్నో ఆరోగ్య ప్రయోజనాలు లభిస్తాయనేది నిజమే. కానీ మోతాదుకు మించి తినకూడదు. రోజుకు రెండు నుంచి మూడు గుడ్లను తినొచ్చు. కానీ వీటికంటే ఎక్కువ గుడ్లను తినడం ప్రమాదకరం. దీని వల్ల గర్భంలో ఉన్న శిశువు ఆరోగ్య సమస్యలతో బాధపడే అవకాశం ఉంది.