ఖచ్చితంగా బరువు తగ్గాలనుకుంటే ఈ వైట్ ఫుడ్స్ కు కాస్త దూరంగా ఉండటం మంచిది..

అధిక బరువు గుండెపోటు నుంచి ఊబకాయం వరకు ఎన్నో రోగాల బారిన పడేస్తుంది. బరువు తగ్గాలనుకునేవాళ్లు ముఖ్యంగా కొన్ని రకాల ఆహరాలను ఎంత దూరంగా ఉంటే అంత మంచిది.   

బరువు తగ్గేందుకు ఒక ఖచ్చితమైన ప్రణాళిక చాలా అవసరం. బరువు తగ్గాలంటే ప్రతిరోజూ వ్యాయామం చేయాలి. అలాగే ఫుడ్ ను ఎక్కువగా తినకూడదు. అందులో రుచిగా ఉందని ఏది పడితే అది అసలే తినకూడదు. తీపి, ఉప్పు, నూనె  ఎక్కువగా ఉండే ఆహారాలకు దూరంగా ఉండాలి. ఎందుకంటే ఇవి శరీర బరువును మరింత పెంచుతాయి. ముఖ్యంగా ఖచ్చితంగా బరువు తగ్గాలనుకునే వాళ్లు కొన్ని వైట్ ఫుడ్స్ ను అసలే తినకూడదు. తెలుపు, పోషకాలు లేని, పిండిపదార్థాలు ఎక్కువగా ఉండే లేదా చక్కెర ఎక్కువగా ఉండే ఆహారాలను తినకూడదు. ముఖ్యంగా తెల్లపిండిని అసలే తినకూడదుు. ఎందుకంటే ఇవి మీ బరువును పెంచడంతో పాటుగా రక్తంలో చక్కెర స్థాయిలను పెంచుతాయి. 

నిజానికి వైట్ ఫుడ్ లో ఎక్కువ భాగం సాధారణ చక్కెరలు ఉంటాయి. ఇవి రక్తంలో చక్కెరను, ఇన్సులిన్ స్థాయిలను ఫాస్ట్ గా పెంచుతాయి. ముఖ్యంగా వీటిలో పోషకాలు ఉండవు. కేలరీలు మాత్రం ఎక్కువగా ఉంటాయి. ఇన్సులిన్ పెరిగితే రక్తంలో చక్కెర స్థిరంగా ఉంటుంది. దీనివల్ల ఆకలి కోరికలు పెరుగుతాయి. ఆ తర్వాత ఆరోగ్యాన్ని పాడు చేసే ఆహారాలనే ఎక్కువగా తింటారు. నిపుణుల అభిప్రాయం ప్రకారం.. బరువు  తగ్గాలనుకునే ఖచ్చితంగా ఎలాంటి వైట్ ఫుడ్ ను తినకూడదో ఇప్పుడు తెలుసుకుందాం పదండి.. 

Image: Getty Images

వైట్ షుగర్ : ప్రాసెస్ చేసిన చక్కెర మన ఆరోగ్యానికి అస్సలు మంచిది కాదు. ఎందుకంటే ఈ చక్కెర అవయావాల్లో కొవ్వును పుట్టిస్తుంది. ఇది కాస్త గుండె జబ్బులకు దారితీస్తుంది. ముఖ్యంగా ఈ షుగర్ చెడు కాలెస్ట్రాల్ స్థాయిలను బాగా పెంచుతుంది. అంతేకాదు మీకు బాగా ఆకలి అయ్యేలా చేస్తుంది. అంటే ఆకలి కోరికలు నియంత్రణలో ఉండవు. దీనివల్ల మీరు హెవీగా తిని మరింత బరువు పెరిగే ఛాన్స్ ఉంది. అందుకే వైట్ షుగర్ కు బదులుగా నేచురల్ షుగర్ లేదా బ్రౌన్ షుగర్ ను తీసుకోండి. 

తెలుపు పిండి: ప్రతి వంటగదిలో ప్రాసెస్ చేసిన వైట్ పిండి పక్కాగా ఉంటుంది. అదేనండి మైదా పిండి. మైదాతో బోండాలు, పునుగులు అంటూ రకరకాల వంటలను చేసుకుని తింటుంటారు. ఇవి బలే టేస్టీగా కూడా ఉంటాయి. అందుకే దీన్ని చాలా మంది ఎక్కువగా వాడుతుంటారు. కానీ మైదా మన ఆరోగ్యానికి అస్సలు మంచిది కాదు. దీన్ని తినడం వల్ల మలబద్దకం, అజీర్థి, టైప్ 2 డయాబెటీస్, ఊబకాయం వంటి సమస్యలు వస్తాయి. అందుకే మైదాకు బదులుగా ఆరోగ్యకరమైన గోధుమ పిండిని ఉపయోగించండి. ఇది కూడా టేస్టీగానే ఉంటుంది. 

బేకింగ్ సోడా: రసాయనికంగా దీనిని సోడియం బైకార్బోనేట్ అని పిలుస్తారు. దీన్ని ఆహారాన్ని మెత్తగా చేయడానికి ఉపయోగిస్తారు. బేకింగ్ సోడాను ఎక్కువగా బ్రెడ్, బేకరి ఐటమ్స్, పిజ్జా, పులియబెట్టిన ఆహారాల్లో ఉపయోగిస్తారు. కానీ సోడా వేసిన  ఆహారాలను తినడం వల్ల జీర్ణక్రియ పని కష్టతరం అవుతుంది. ఇది కడుపు ఉబ్బరానికి దారితీస్తుంది. పొత్తికడుపులో బరువుగా అనిపిస్తుంది. దీన్ని రెగ్యులర్ గా ఉపయోగించడం వల్ల ఎన్నో రోగాలు వస్తాయి. ముఖ్యంగా ఈ సోడా మీరు బరువు పెరిగేందుకు కారణమవుతుంది. అందుకే దీన్ని వాడకం తగ్గించండి. దీన్ని మొత్తమే తీసుకోవడం మానేస్తే మీ ఆరోగ్యానికి ఏ డోకా ఉండదని ఆరోగ్య నిపుణులు చెబుతున్నారు.